[ناصر حامد الثبيتي]

المشاركة الأصلية كتبت بواسطة النشمي

سته شيوخ ومـن رجـال القيـادات=كل(ن) على ربعه عزيـز وسلطـان
من دون قاصـر فالرجـال البقيـات=كل(ن) وله مقدار مـن دون نقصـان
الاول ابـن نجـم شيـخ الذويـبـات=ابو عتابـه مـن طحاطيـح عتبـان
رجل حكيـم ولا يحـب المجاجـات=يمشي على نهـج الشريعـه وقـرأن
سيـرة حياتـه كلبوهـا حمـيـدات=عزيـز نفـس وفالرياجيـل ذيـبـان
ليـا وقـف مثـل الجبـال المنيفـات=له وقفة(ن) ماهـي تقـدر بالاثمـان
ومعه معيوض عضد في كل الاوقـات=بصمات عرفه جات في كـل ديـوان
الصلح ديدن له علـى كـل وجهـات=ياما لفـوه شيـوخ مشـي وركبـان
ياما بصلحـه فـك كـل الشكـالات=رجع حزين الصدر بالطيـب مليـان
ومقبول بـن حامـد علومـه قديـات=شيخ مجرب مـن مناجيـب شيخـان
شيـخ عصامـي ينعبـي للمهـمـات=عقله رزيـن وهرجتـه دوم ميـزان
شيـخ عزيـز ولا مباديـه هـزلات=هذا الصحيـح ولا تقولـون غلطـان
له بصمة بالحـق فـي كـل وقفـات=تنشر له البيضا علـى كـل الاعيـان
حيثه قدير ومـن رجـال الوجاهـات=الله يختـم لـه بمـسـك وريـحـان
والشيخ ابو مشهـور زبـن الونيـات=يستاهل التمجيـد مـن قلـب ولسـان
شيخ عزيـز ولـه هـداف بعيـدات=شيـخ الدراريـج المسمـى كحيـلان
مـن لابـة تعـرف نهـار المثـاراة=الاسم واضـح مثـل شعلـه ودخـان
قلبـه نظيـف مايشيـل الحـزازات=عـز الله مـن مناجيـب ظـفـران
ليـا نصيتـه فالظـروف القسـيـات=عطاك وجهه عنـك مـادار الامتـان
دايـم ورى الهقـوات ويمـد مـدات=عيد على اسمه عيد في كل الاحيـان
وجويبـر الـوادع عزومـه قويـات=دايم على ربعـه حريـص وشفقـان
رجل عليـه مـن المـروه علامـات=له سمعـة تشـرى بغاليـة الاثمـان
رجـال ديـن والتقـى لـه سجيـات=من هو نصاه يعز حاشـا مـا ينهـان
ذبـاح حيـل فاللـيـال الشـديـدات=راع الكرم والطيـب ماصـك بيبـان
والشيخ ابن طيـب رفيـع المقامـات=شيخ الغروب اللي لهـم عـز وكيـان
شيخ حكيـم ولـه مبـادي حكيمـات=للعـرف والمعـروف كـيـال وزان
رجـال متعلـم بعـيـد السيـاسـات=فالمجد والعليا لـه حصـون واركـان
رجل ليـا صكـت عليـه الملمـات=يرسي كما ترسي على الارض ضلعان
له في سبوق المجد صولـه وجـولات=وقت اللقا صارم كما السيـف شامـان
عد الـروى يـروي كبـود ضميـات=بالعرف والحكمه روى كل عطشـان
عنـد التسامـح لـه كفـوف نديـات=يدمح خطا المخطي ولو كـان ماكـان
شيخ لربعـه والتقـى فيـه اشـارات=مايذبح الهزلـه ليـا جـوه ضيفـان
جته الشياخه غصب عن كل شمـات=جاته ترفرف مثـل طيـر بجنحـان
مذحور عود مـات والاسـم مامـات=الاسم باقـي شايلـه طيـر حـوران
العود مات ولا صـدر منـه شينـات=عساه للجنـه مـع الحـور الاعيـان
وابن عنيبـر لـه وصـوف قليـلات=الشيخ ابـو عثمـان للضـد مزبـان
راع التقـى والديـن راع المـروات=شايب له التقدير من عـرض شيبـان
له وقفة(ن) مثل السيـوف الرهيفـات=فـي ماقفـه دايـم قـوي ونشطـان
مبـداه عالـي والمقاصـد رفيعـات=حكيم فـي رايـه ولا فيـه نقصـان
وصلاة ربي عد فـرض الصـلاوات=علـى نبـي بيـن الديـن بـاركـان

يستاهلون المدح الست شيوخ وابدعت على جزل القصيد الوافي يابو فواز
واتمنى من الادارة تأخذ تنسيق النشمي وترفعه لاول موضوعك حتى يكون الشكل اجمل
ولاخلا ولاعدم ولاتحرمنا من قصيدك

آخر تعديل ناصر حامد الثبيتي يوم 24-May-2009 في 03:03 PM.