حاكم الغنامي =
مرحبـا ترحيبـةٍ ماقلتهـا عـاريـه=من نتايج هاجسي في دفتري مكتوبـه
من عبيل الراغ ليّّمن عبلة الراغيـة=وش لقيتوا ياعسوس الديره المنكوبه
بندر المرشدي =
البقاء من هاجسٍ مشاعـره عفويـة=ما تصنعّها ولا هـي نيـةٍ مقلوبـة
الهواء شيءٌ طبيعي فالقلوب الحيـه=بس عن بعض القلوب اشعته محجوبه
حاكم الغنامي =
احمد الله ماغدالي من حلالـي شيـه=مير جازع والعوض في نارنا المشبوبه
الهواء شيء طبيعي بس ألـه ماريـه=لاتعدى حده المحـدود قلـت الكوبـه
بندر المرشدي =
حاكم يقول السوالف ماهي بجديـه=ما سباء قلبه غرام الجادل الرعبوبة
الهواء حده خيال وكورتـه ثلجيـه=والغلا فيها يزيد وينخفض منسوبـه
حاكم الغنامي =
والله اني لجل نفسي كاتـبٍ مرثيـه=مير حاكم فالهوى على النظام اسلوبه
مانحب ولانـود الهرمـه المصريـه=شفنا بنت الشيوخ اهل التقا والتوبه
بندر المرشدي =
انت وش تبغـى بـدرب العالـم المبليـه=خلـك بدربـك وكـلاً معجبـاً بـدروبـه
عارف انك مـا تمـر الديريـة الملويـة=مار هرجك فيه .. بعض احيان فيه عجوية
حاكم الغنامي =
من يهد القلعه اللي من زمن مبنيـه=لابسله ثوب يابن روق ماهو ثوبـه
والحقيقه كل ماذكر سفتي الدوريـه=قلت ابن مصقال يبطي مالحق مطلوبه
بندر المرشدي =
كان شفت الي بجيبـه قنبلـه ذريـة=ابتعد لا تدْخل يدينـك بوسـط جيوبـه
والله اني عن هواهم ما قصرت يديـه=الهدف سامي وابن مصقال عينه صوبه
حاكم الغنامي =
مانسيت المزنه اللي خيلـت عصريـه= برقها يم الشمـال ودارهـا مجدوبـه
الهـوى لابـد يبقـى حاجـةٍ سريـه=خص لامنه حصل بين الجمل وجنوبه!!
بندر المرشدي =
لا تخايل غير بـرق المزنـة الوسميـة=اعرف ان الصيف سحبه بالهوا مصحوبة
العلاقـة بينهـم ياصاحبـي طـرديـة=مار مانقـدر تحكـم العالـم المذهوبـة
حاكم الغنامي =
جعل ربي هالسنه يستر مـن الصيفيـه=كيف مانحسب حساب الغلطه المحسوبه!!
الشداد اللي تكسـر كيـف نلقـا زيـه=نشتـري ولا نبيـع بضاعـةٍ منهوبـه
بندر المرشدي =
انت لاتنظـر لغيـرك نظـرةٍ سلبيـة=يمكن الله من بعدها كاتباً لـه توبـه
صفر الطبلون كله ضاعـت الطاقيـة=مار ما تسحب عليّ الحونك المسحوبة