علي فلاح العضياني
طلع يا عتيبه للغنانيم قاموس=و لا هو مثل قاموس عزوة عتيبه
يا حاكم تعال أعطيك من عندي دروس=و بعد الدروس تصير شاعر مصيبه
حاكم الغنامي
مبادي و قاموس الغنانيم ناموس=لكل القبايل من بعيد وقريبه
ورى ماتطور ذاكرتك ام فيروس =وتلغي جميع المفردات الغريبه
علي فلاح العضياني
لو ان العقل فالسوق ينباع بفلوس=علي الحرام اني لحاكم لا اجيبه
وكله لاجل ما يفهم العلم معكوس=ويصبح لحاكم في المواقيف هيبه
حاكم الغنامي
ليا قامت البحرين تنفخ على الروس =وش اللي بقا فالوقت مابان ريبه!!
لاشلت السلاح بلا ذخيره ونادوس =يابن عمنا وينك ووين الضريبه
علي فلاح العضياني
حروف اللّغه يا صاحبي حستها حوس=ترانا نعرف المخطيه و المصيبه
تريّح ,, و خلّ القوس مع باري القوس=و خشمك هدف لو إنّي أرميه أصيبه
حاكم الغنامي
ياسارٍ ظلام الليل في يدك فانوس =ترى الشمس حاكم نورها يقتديبه
ولانته بقانع ..مير شكرك على الموس=ياهذا العجيب اللي علومه عجيبه
علي فلاح العضياني
يا حاكم ترى فالناس ريّس و مريوس=و لا فيه جرحٍ غير يوجد طبيبه
و انا في هذاه المنتدى مثل قابوس=و قابوس ريّس في عمان الحبيبه
حاكم الغنامي
ترانا نسر نفوس ونزعل نفوس =ونبقى مثل جمران وانت الزريبه!!
انا داري انك من هل السحر منحوس =ياجني عمان المنتدى جاك ذيبه
علي فلاح العضياني
أظنّك تبا تصبح على الخطّ مدعوس=و مثلك يعيش و ينقتل ما دري به
أنا أسحر عقول الناس من عمق هاجوس=و شعري تقرّ له العقول اللبيبه