العازمي
مرحبابك يامشاري في محلات الكرامه = دارك اللي قاصر(ن)يمناك عنها يامشاري!!
مار جيت وجابك الله وان بغيت اخذ الزعامه = بعد ضربٍ بالسيوف وبعد طعنٍ بالشباري!!
مشاري الكرشمي
البقا يلي ترحبي وتهناك السلامه
مار وش معجلك يومنك سريت مع الغداري
الزعامه ياوسيع العرف في قصر اليمامه
والدعايه في يدين اللي يباها عند غاري
العازمي
المواقف تجبر الرجال يرمي بالعمامه = كيف ماحرّك ضميرك غير قصاص الآثاري!!
تعرف ان الدار محكومه على الشرع ونظامه = كل سر مطير في مخباك يازيد المطاري!!
مشاري الكرشمي
ماعلى مثلي ملام ولاعلى مثلك ملامه
ماسمعنا الا حديث ابوهريره والبخاري
ياوسيع العرف من يحلم تعبر له حلامه
مار حلم العصر لو يعرض يقال انه هذاري
العازمي
مسجد الاقصى عسى المسلم يصلي خلف امامه = كان للاذكار في وسط الدجى حافظ وقاري!!
تعرف ابن عريعر اللي حاميٍ بيض النعامه= ماحماها اللي يقيّل فالظهر تحت الكباري!!
مشاري الكرشمي
التمني مايحقق للرجل غاية مرامه
من هبط في سوقها مجبور يابايع ياشاري
لو شالح مافقد راس الفديع اطعم حسامه
في نهارن فيه مايرحم غليص ولامكاري