عنـاد الحزيمي
هلا يامرحبا ترحيبة ٍ تنصى حكيم الشور=على زول العصيمي جات مربوعه ومثنيه
انا اشوف العصيمي ناوي ٍ قمة سنام الكور=لو ان العود ما وصاه في هذي ولا ذيَه
سـعـد الـعـصـيـمـي
عسى فيك البقا ياللي تغني مار لف ودور=انا بعطيك مني حاجةً ماهي بعادية
انا طمعان عقب العود اسوق الزمل بالباكور=هذا زملي وزمل اصحابنا وسامة الحية
عنـاد الحزيمي
انا قدم آخذ علومك واشوف اللي حصل بالدور=ماني شاره على كلمتك لو ماهي طبيعيه
تسوق الزمل والباكور من فعل الدهر مشقور=كبيره كانها صارت علاك اليوم ماريه
سـعـد الـعـصـيـمـي
موارينا مواري مرجله يالطير ابو دنقور=تحسبن الدعاوي كلبوها صيد محميه؟
انا اعرفك صغير سن عمرك فوق تسع شهور=ولكن ماني بناسيك لاجيت الحزيمية
عنـاد الحزيمي
انا ما اجهل مواري ربعنا لو ما هناك قصور=ترى كسب المراجل ما يجي من طاق طاقيه
ليا سقت القدم خاطرك يمسي عندنا مسرور=ولكن العلوم الثانيه لا تمسك نحيه
سـعـد الـعـصـيـمـي
هذا الروقي مجمعله حصا في كفة المصرور=وطشه مع مهب الريح والهبه شماليه .. !!
ابنتف ريشة العصفور واستر بيضة العصفور=واطرفّها واغيبها عن عيون الحراميه .. !!