محمد العطاوي=
تعال يامعجب الليله وصلك الهجاد=يالين تعرف علوم الناس وفعولها
انته تعاند وانا والله ما قبل عناد=ولابد ماتظهر الكلمات بوصولها
معجب العتيبي=
يامرحبا يالعطاوي والركاد الركـاد=رحبتبك لو تحيتكم صعب قولهـا
انا مع الحق ماشي يشهدون العباد=لكن هات اللغوز وتاخـذ حلولهـا
محمد العطاوي=
خابرك ياصاحبي منته بحول الشداد=حتي ايش لو كنت فالديره ومسؤلها
مالك ومال الحروره روح دور براد=جاتك مزون(ن)يلوح البرق فثعولها
معجب العتيبي=
ياطيبكم فالقشر يا اهل السنون الحداد=تبطون وقلوبكـم مابريـت علولهـا
العافيه طيبه والسيـل يحـي البـلاد=ماروّع اهل البلد كلمه مـن خبولهـا
محمد العطاوي=
ياطيبنا بالوفا هذا الكـلام الوكـاد=يومن بعض العرب ما بان مدلولها
الله من كلمتن يالذيب وسط الفواد= لكن ياصاحبـي مـاودى اقولهـا
معجب العتيبي=
العيد ماحدٍ يجيبه قبل وقت العيـاد=والناس منطوقها يشرح عن عقولها
الشاعر اللي يهيم ويبتدي كـل واد=يخلف جميع الحقايق مايجي حولها
محمد العطاوي=
خل العلوم القديمه هات هـات الجـداد=بعض البشر خاشر اهل الفول في فولها
الزرع وشلون يحصد قبل يوم الحصاد=والمشكله ماعرف وش كثر محصولها
معجب العتيبي=
الحر يُعرف يابو صالح بوقت الهداد=والناس لاجابت الاخبار ياهولها
من طب بحر السمك من زود مافيه صاد=يرجع وظهر السفينه ينقل حمولها
محمد العطاوي=
النار لو طولت لابد ترجع رماد=لكن قفل عليها واحكم اقفولها
الوضع ما هوب طيب ياولد في تشاد=الناس قامت عليها تقرع اطبولها