حاكم الغنامي
عداد المدلهم اللي تسيربه هبوب النود =هلا يامرحبا ترحيب بمشاري ولد غازي
مشاري فالشعر عالم وله قانونه المشهود =مثل جابر ولد حيان بالتوصيف والرازي
مشاري الكرشمي
عداد النور في مبداه مع وضح النقا المجرود=يدوم الك البقا والطيب اللي بالثنا فازي
على شرواك ياحاكم طرتلي ماعلاكم زود=لكن بعيرنا لايشتكي من ثقل ونحازي
حاكم الغنامي
الا ياسطورة الهيلا نباك اتوضح المقصود =عقب سافرت عبر الجو للبصره والاهوازي
ثلاث سنين يامشاري وبابك للعرب مسدود=عسى ماباس حنا ربعكم خيالة الجازي
مشاري الكرشمي
اسج الرجل والايام ياحاوي ويامردود=ولاحب العقول اللي تقلد هتلر النازي
ثلاث سنين ماجاني خبر من يمكم ماكود=وهالحينه ترا في صفحتك ياحاكم انجازي
حاكم الغنامي
تسير ابك الركاب الضامره مير الذهب مفقود=ولاجبت الذهب ياصاحبي ماعاد يعتازي
يقولون العرب (والجود ينبت في مقر الجود)=وانا وشلون ادلك للحجاز وساسك حجازي
مشاري الكرشمي
اخذ رد البراد وانته مسيرك نقص مدري زود=عسى وقتك يكفر عنك ذنبك كيف يرازي
انا ماني مقيد وانت مدري لو لحق قيود=قديمه لاتمررها تراه دور فنتازي
ياسلام عليكم
صحت السنتكم
وبيض الله وجيهكم.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|