[روقي مردد!]

ارس ياغرس عليك النـامهابـه
لاتزعزعـك الحرايـب والوعيـده
الحرايب من على وقت الصحابـه
مضحيـه ويصيدنـا والا نصيـده
وان قنع بالحق يوم الحق اصابـه
وان جزع واللي يريـد الله يريـده
لاصحيـب ولانسيـب ولاقـرابـه
من بديده وانت عنـا مـن بديـده
يجتهد فينـا وحنـا فـي هبابـه
واذبح الضاوي ويذبحـك القعيـده
لايظـن بـزود منـا ويهقـابـه
والله انا اقرب لروحه من وريـده
وان بغى يقنع على مابي ومابـه
وان بغى كتـب الافـاده مايفيـده
وان بغاه يروح يوم ومـاغدابـه
وان بغيت تولـع النـارالوقيـده
علموهـم يامطيـر ويـاعتابـه
يحسب الرجال يغدي بـه جحيـده
ما ذبحناهـم غلـط والاغهابـه
عمد واللي ماضـي منهـم نعيـده
سلفة(ن)ردت عليـه وسـد بابـه
في الفقيده مـا يسـد الاالفقيـده
جارنـا وكلابنـا تنبـح كـلابـه
مانحـاوج بالمطاريـش البعيـده
وان ورد له مارد(ن) نشرب شرابه
وان صدرنصدر ونرده مع وريـده
وان بغيت الصلح بين لـي كتابـه
واطف نار الحرب والهجره مهيـده
وان بغيت الحرب بذتـك الحرابـه
الحرايـب قدمنـا بـذت عبـيـده
شب نار الحرب والبس من ثيابـه
واعذرالحكام واعلن في الجريـده
الاسود مع الفهـود مـع الذيابـه
والبحور اللـي مغارقهـا سديـده
واحتسب للحرب واصبرفي حسابه
والسلاح جـداد والفتنـه جديـده
ساع ما ركب حديده فـي خشابـه
والفشق مو جودوايامـك وجيـده
وانت من خنذف وحنا من شبابـه
ثم كل عز راسـه مـن عضيـده
العتيبي من رهـاط ليـااللهابـه
والمطيري من طويق الى اللبيـده
وانت في لابه وانا في جوف لابـه
لابة(ن)تـذري محاجيهـا جويـده
من وفا يومه وزلت لـه وجابـه
ما نقص منا الحسـاب ولا يزيـده
وانت لك عامين تلعـب بالربابـه
كيف تلعـب بالربابـه والقصيـده
تحسـب إناماعليـك إلنـااقلابـه
لـو صبرناعنـك تحتـر الحديـده
مير حنـا فـي محاكمـةالنبابـه
في ورود الصـك حـده وتحديـده
ثـم والله ماتـروح بـزود جابـه
لين مـا يبقـى لتاليكـم شريـده