السلام عليكم ورحمه الله وبركاته
عساكم جميع بخير وتنقزون العرفجه ولابكم باس
اليوم حبيت اتواصل معكم بذكرى جميله ارجو انها
تنال اعجابكم وهي منتظر وبوش والجزمه
بوش والجزمه
من منتظر طختك يابـوش بنعـال= جاتـك سريعـه تاتقبـل لخشتـك
رجـال يسوالـه ثمانيـن رجـال= وفي وقتها مافاد عزمك وسطوتـك
وخلاك تركع تحت ماصتك يالضال =والناس كلٍ قـام يسـرد لسيرتـك
حنى العرب نسطي على كل ميـال= ولاهمنا يابـوش بطشـك وقوتـك
عرب عرب نرهي من الجال للجال= ولسنا عبيدٍ لك ونرضـخ لمنيتـك
وتسلم يمينه صرت لعبه للاجيـال= ومسخره للي يبا يصيب صورتـك
عشنا على العليا على كل الاحوال= وعزومنـا بالله تكسـر لسكرتـك
مـدام غيـك فوقنـا دوم يجتـال= وتقتل مع المجـرم بـريٍ للذتـك
وفارقتك كرسيٍ منه كنـت قتـال= واصبحت بشعارك جليسٍ بغرفتـك
وتسلم يمين المنتظر طيـب الفـال= اللي مـع انهايتـك وثـق لعلتـك
اجلس بغبنك بيـن ناقـض وفتـال= ياللي همومك فايقه عـن مسرتـك
وطالع حوار فيـه للعالـم اقـوال= وموضوعها يابوش جزمه تنصتـك
الشاعر
فواز علي الروقي