سعود العصيمي =
على خط اتصالات الفضاء في المنزل المعمور=سلام الله سـلام مـن هجوسـي للعضيانـي
بعد شبيت نار العز ياعلي وركبـت الكـوور=والا يامطيبك لو جبت لـي خاتـم سليمانـي
علي العضياني=
على خطّ اتصالات الفضاء جيت و وصلك الدور=هلا يا مرحبا ترحيبـةٍ مـن قلـب و لسانـي
أنا لي ماقفٍ يبدي عليكم مثـل مبـدا النـور=يا قطمان المحازم جوكم أهل السيـف شامانـي .
سعود العصيمي =
يدوم الك البقاء يالشاعر اللي فالعرب مخبور=بعد ماجابك الله قدم سلطـة كـل سلطانـي
لياعرضت راسك للجبل تسري وهو مشعور=لكن اهرج معي ياعلـي واحـذر لاتحدانـي.
علي العضياني=
أبا أسولف معك لكنّ لا تهرج بدون شعور=أنا ما أداني اللي يصرفون الهرج مجّانـي
أنا معك متواضع يالعصيمي ماني بمغرور=لكنّ إليا نغزك ابليس دوّرنـي و تلقانـي.
سعود العصيمي =
انامن فضل ربي بيرقي طول الزمن منشور=واظنك ياعلي لقمة عشاء للذيب سرحاني.
تقوله واكثر علومك لياميزت عمي وعور=لكن اكرب حزامك كان في راسك حميدانـي.
علي العضياني=
انا ماني قصير شبور أنا نمرٍ طويل شبـور=و أصيد الذيب و ليا غاب فالمعزا و فالضاني
تذكرني ليا شفتك عصيمي ... عودكم مستور=يا سبحان الله اللي يخلق و يفرق فالاخواني .
سعود العصيمي =
مادامك مانحرت شعيل يوم ان الرصاص يثور=من اللي يضمنك ياعلي عن تعليقة العانـي.
لياذكرتـك بمستـور لله ماعليـك قـصـور=تراك بخير مضمونٍ من الاقصيـن والدانـي
علي العضياني=
شعيل اللي تقوله بالقديمي فالنحر منحـور=يابو راسٍ نشوفه قام يضرب روس الامتاني
يا ابو طايل رحاة المعركه قامت عليك تدور=تخشّ بشكلك الاول و تطلع في شكل ثانـي
سعود العصيمي =
تقوله وانته راسك لايزال بحنوة الباكـور=وهذه سيرتك مغيـر تذكرنـي وتنسانـي
تحسب انك كبير القوم وانته ياعلي مكبور=تبا تقضي حياتك وانت ماميلت ميزانـي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|