[عتيبي وفتخر]

اللي بنى من دون سيسان قصره ** لا يعـجـبه قـصـره سريع إنـهياره

ومن لا قنا من طيب الخيل مهره ** ما هي غريبة لا ابتلش في حماره

ومن لا حسب بالليل لطلوع فجره ** والله لـيـبـطـي مـا بـدا لـه نـهـاره

ومن لا حسب عامه ويومه وشهره ** يخـسر خسارة ما مـثـلها خـساره

وكـم جـاهـلٍ بلـسـانه يطـب قـبـره ** يـرحل عـن الـدنيا ويترك ديـاره

والدهر ما يعرف لـخيره ولشهـره ** الاالـذي يـعرف يقيس الحـراره

ورجلٍ يبي يعطي الرياجيل ظهره ** في يوم يونس وسط كبدة مراره

والوقت من لا يحسب حساب غدره ** الله يـا مـسـرع عـلـيـه افــتـراره

ومـن يـامـن الـدنـيـا بـلـحظـه تـغره** تـكـسـر يـمـيـنه بـعد تكسر يـساره

ومـن رافــق أهــل الـطـيـب لله دره** ومـن رافـق الأنـذال بــئـس الـتـجـاره

الشاعر/ عبدالرحمن بن محسن السيالي .