سلطان الجذع
سلام الله سلامٍ يدفعه شرهه وضيقة بال = شل الشرهه ياابو سلطان والضيقة تحملها !!
غلطت الغلطة اللي من عيوني تطرح الرجال = والا ياليتها من واحدٍ غيرك ونقبلها !!
بندر المرشدي
هلا يامرحبا واقلط على دلة واخذ فنجال=يطّير لك عماس الراس وافكارك يعدلها
مفاهيم العرب فيها بلا ياساتر الاحوال = تسمى فزعة الرجال غلطة ويتحصلها
سلطان الجذع
قبل ناخذ ونعطي فالقضية حط لك معدال = ونبا نلقى قضاةٍ كلمة الشاعر تحللها !!
سعوا معك الجماعه (فالجمل والحمل والجمال ) = وجت تالي علومك ماتبيض وجهه قايلها !!
بندر المرشدي
قبل ما تأخذ وتعطي ترا دلوك بدون حبال=توكد قبل ما تاقف على الجمة وتاكلها
خبطت الهم هذه الصدر والبرهان بالأفعال=وخانوني خاينه ما اعرف اتلاها من اولها
سلطان الجذع
ترى أخير الحلول انا نروح لحال وانت لحال = ولكن اقطع حبال العلاقة لاتوصلها !!
اجل ذنب الزلامي ليه تتهم به خلف هذال !!! = وانا خابرك شاعر تنقض الحجه وتفتلها !!
بندر المرشدي
تراني من زمان لحال ما ابغى خوة المحتال=ولا أذكر به علاقة بيننا حتى نطولها
ابن هذال قاله للزلامي والزلامي قال=وصارت هرجةٍ بين النقيلية تناقلها
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |