[ناصر العصيمي]

المشاركة الأصلية كتبت بواسطة خالد بن متروك

غزل
الله على اللي حبها تلني تل
وعزي لمنهو بالهوى تل تلي
الصاحب المجمول ابو طرف أكحل
اللي على شوفه أرحب وأهلي
في عشرته لا ماأتضايق ولا أمل
وفي عشرتي مايوم والله يملي
يعني بمعناها خليل لقا خل
خل لقيته وأصبح اليوم خلي
حبه سطا وسط المعاليق واحتل
وأصبح على ماقيل راعي محلي
يابو العيون اللي هدبها كما الظل
سود مراييش وساع زهلي
والخد كأنه ورد جوري معه فل
هني منهو في ربيعه يفلي
والخشم سلة سيف والفم يذهل
وبيض الثنايا من سناها ضواً لي
والنهد بارز لاحشا ماتمايل
وشعر تناثر فوق متنه جدلي
لاشفت خصره قلت وشفيه ناحل
ولاشفت ردفه قمت أكبر وأصلي
غروٍ ذبحني بالهوى سلني سل
إلين خلاني بحبه مولي
كله حلا سبحان رب مكمل
لاجيت أوصف زينها ويش أخلي
حقه علي يامر علي ويتدلل
وحقي عليه يصير لي مثل ظلي
بغيابها جسمي عليل ومنسل
وبحضورها شمس السعاده تطلي

صح لسانك


قصيدة رائعة


تقبل مروري