السلام عليكم ورحمة الله وبركاته
قصيده من قديمي ، أتمنى ان تنال على اعجابكم
زمام الرجوله
.
.
.
في هالزمن نوعين .. هنيٍ وملهـود=والرابح ازمام الرجولـه قضبهـا
هذا كتب بيته .. وضامن لـه اخلـود=وهذا مشى حافـي ورجلـه كسرهـا
دربٍ يجـر السـاق للفـود والجـود=ودربٍ كسر هالسـاق لاهـو جبرهـا
ناسٍ بهـا انعـام ولغيرهـا الـزود=وناسٍ عـن الانعـام ربـي ظهدهـا
وناسٍ ملايينه على النـوق والـذود=ونـاسٍ دنانيـره اظنـه شحـذهـا
وناسٍ تصيد الصيد مع شلة ( فهود )=وناسٍ تحـب الجيـف تاكـل لحمهـا
وناسٍ تلد العين عـن كـل محسـود=وناسٍ تطيع ابليس وتجنـي ثمرهـا
وناسٍ تعيش اليوم ويلهمهـا الـدود=وناسٍ وهـي امـوات .. دودٍ اكلهـا
وناسٍ تحفر القبر من دون مقصـود=ماتدري ان الموت !! .. يمه جذبهـا
وناسٍ تجيد الصدق .. والعز موجـود=وناسٍ مـن العـزات ربـي سلبهـا
وناسٍ تعز النفس عـن كـل منقـود=وناسٍ تذل النفس .. نفسـه عطبهـا
وناسٍ صداقاته .. كما ريحـة العـود=متمسكه بالطيـب فعـلاٍ ( فهدهـا )
وناسٍ تطوف البيت وتكثـر وعـود=واليـا ظهـر هالليـل جنـه ركبهـا
وناسٍ تشـق الغيـم وبفعلهـا فـود=تدمح لك الزلات .. وتشعـل حطبهـا
وناسٍ تقود الجيش والجيش مقيـود=وناسٍ تذل الجيش وتـزرع رهبهـا
وناسٍ تواريخه لها صيـت وشهـود=حتى القبر يفخـر .. بمثلـه قبرهـا
وربي خلق هالتمر .. من كسرة العود=وربي رفع هالشمس .. وارخى عمدها
وربي خلق عقلي .. ولا مالـه حـدود=اكتب حروف الشعر .. وارخي قلمها
ولامن نويت العز مع كل مجهـود !!=يسر لي المعبـود .. مهمـا صعبهـا
ومن لا يجر الساق يم دربه الفود !!=الموت اهون .. مـن دروبٍ سلكهـا
.
.
.
فهد خلف الشمري