[سعود العصيمي]

العووني =

سلام الله سلام السيف ابو حدين والمشعاب=على شان العلوم تزين .. والعملة سعودية
نصحتك يالعصيمي لاتسولف في قفا الغياب=تراها حيلة المسكين .. والعملة سعوديـه

سعود العصيمي =

هلا يامرحبا ترحيب سمه ضعف سم الدااب = يسافر بك عن الحيين 00 والعملة سعودية.
قبل تقرا وتكتب في كتاب معلم الطلاب =- عليك الدرس عشر سنين00والعملة سعودية

العووني =

اليا كبر المقام وواجـه الطـلاّب للطّـلاب=نرد الصاع بالصاعين ,, والعملة سعوديـة
علومٍ ماتبيض وجهه قايلها مـع الاجنـاب=حسابك من يدي هالحين ., والعملة سعودية

سعود العصيمي =

لياكبرالمقام اصبحت لقمة بين ضرس ونـاااب=كعامك فالقسى واللين 00 والعملـة سعوديـة=
انا ما ستغرب علوووم المطيري منكر الاصحاب=ولا هو قاضيآ له دين 00 والعملـة سعوديـة

العووني =

ياليتك مثل مستور ابن تركي مورد الهياب=غرايب يا غراب البين ,, والعملة سعودية
لكن اللي سواتك ليته يقفل عليـه البـاب=وامرك بين حين وحين ,, والعملة سعودية

سعود العصيمي =

يشرفني فعل مستور ذيبآ مـن عيـال ذيـاب=لكن انته قصير يدين 00 والعملـه سعوديـة.
انا اللي من فعولي راح وجهك مثل ريش غراب=من ايام الشريف حسين 00والعمله سعوديـة.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.