صاهوود =
سلام رديتن فيها دروس وعبر=ابديبها والسما ماجهل مجراتها
ياسعود لو شفتهم يحفرون القبر=اعرف ترا الناس ماتمشي بمشهاتها
سعود العصيمي =
يامرحبا من هجوس الشاعر المقتدر=لكن هات العلوم اللي معـك هاتهـا
من يمكم يالمطاري ماعلينـا خطـر=لكن بعض العرب ماعرف دياناتهـا
صاهوود =
تنشد عن اعلومنا وانتة معاك الخبر=ياليت بعض البشر تترك حراكاتها
اكيد مامن خطر مادام غاب القشر=لكن لاتامن الدنيا وصكاتها
سعود العصيمي =
اجنازةٍ فالكفن وسط اللحد والقبر=مالك بها وانت من قومٍ بعاداتها.
لو كان لبستها بلباس زين ونظر=هذه حقيقة ولا احدٍ ينكر اثباتها
صاهوود =
لاتحرق العود الازرق خل عندك صبر=المبخرة توني حطيت جمراتها
مسيلمة لاهرج ماصدقوة البشر = الناس تعرف هل الراية ووقفاتها
سعود العصيمي =
العود الازرق يقدم مـع دلالٍ صفـر=ياراعي المبخـره اختـار جمراتهـا.
علم وخبر مع جميع الناس كان وظهر=ماهو نباء صحف والا من دعاياتهـا
صاهوود =
ماني بلايمك والموقف كبير وعسر =اللة يعينك علي العالم وحملاتها
ماهي دعاية صحف يامال قصف الظهر=دفاتري في قلوب الناس صفحاتها
سعود العصيمي =
حنا سيوف المعارك ماعلينا ضرر=كل العرب حطها الله في مقاماتها.
كلمة ولا غيرها الا كان منها وامر=مد اليمين ونمـدك مثـل مداتهـا
صاهوود =
والنعم فيكم سوا شيوخ ولا جبر =والمرجلة شفت في وجهك علاماتها
دامك تبا المد ابامدك ولالي مفر=لو الحكومة معي تقطع علاقاتها
سعود العصيمي =
حنا مافينا جبر شيوخ فعـل وظفـر=ومطير نعم بها 00لو في بطاقاتها.
فالصرف منوع مايعرب على مستقر=ماكل جملـة بضمتهـا وكسراتهـا
صاهوود =
حنا دفعنا الحيا وانتة دفعك القهر=ولاالحقيقة عتيبة مالقت ذاتها
لتحدني وارسل اجيوشي عليكم شهر=ادياركم لو بغيت00اطوي مسافاتها
سعود العصيمي =
ان طال علم المطاري فالزمن وان قصر = ماهو بلاحق مدى الهيلا وطالاتها
مالك جيوشٍ تبا تاقف لنا فالنحر = هذه شهادة من احياء الناس وامواتها.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|