طائر الاشجان
يامرحبا واللي يبا يلعب يقوم = الملعبه تحتاج فن وتكتكه
الله يجنبنا مضيٌعت القسوم = الي بدون سلاح تنصى المعركه
سلطان بن دحيم
دام البقا في كل ليل وكل يوم = وانا معك والقاف لازم نحبكه
الناس فيهم شر يا ذخر القروم = والحقد ورث جدود صعب(ن) تتركه
طائر الاشجان
ياطير ياطير السعد ياللي تحوم = ماكل شي ٍ لو بغيته تدركه
الي عن اعراض البشر نفسه تصوم = يقعد مع الطيٌب ويسلك مسلكه
سلطان بن دحيم
الحر ميقاعه على روس الرجوم = والبوم ميقاعه خرابه وتنكه
ما ينقل الاحقاد يا كود الرخوم = والواجب الغصاب ما احد(ن) يتركه
طائر الاشجان
ان كان راحت للعوايد والسلوم = الوقت خلها تصير مفكفكه
وان كان راحت للملابس والهدوم = كل المراجل في ربوع المملكه
سلطان بن دحيم
الطيب فاهل الطيب ما هوب معدوم = والمشكله فأجيال فن الشكشكه
انشهد ان الناس معطى ومحروم = ومدور المنقود مافيه بركه
طائر الاشجان
حنا نشوف الشر في بعض العموم = والخير رايح في طريق المهلكه
الي يخالط ياطويل العمر قوم = مايذبح الجربان غير الحكحكه
صحة السنتكم