ناصر المرشدي
ياسلامي سلامِ مايجي بالمناوي=مايجي بالمناوي كان ماجاء هديه
انت كيف انت ياعبد المجيد العطاوي=معك بوك وقلم والا معك بندقيه
عبدالمجيد العطاوي
مرحبا بالمجمّ اللّي بمدّه رهاوي=عد وبل المطر من مزنةٍ عقربيّة
احمد الله على الماقف جري ومتساوي=في يميني صقيلٍ يرتدع كلّ هيّة
ناصر المرشدي
ياشليويح دام ان المعاني مضاوي=لاتنزل شدادك عن سنام المطيه
علمونا عن التاريخ كاتب وراوي=من بعدهم عرفنا قيس والعامرية
عبدالمجيد العطاوي
يادليم انت لولا الشعر مالك عراوي=في المرابط تجرّ لحونك السامريّة
الله اعلم بنيّتك انت ويش انت ناوي=يمكن انّك تجدد شعلة الجاهلية
الله الله
ابداع في ابداع
من مبدعين
وننتظر اكتماله
صحة السنتكم