الشعر ولا وهبت فيه جرثومه=عليه صلو صلاة الميت الغايب
كثرة وخربة معاني الشعر و علومه=معاد ندري من المخطي من الصايب
صابه شلل واختلف وضعه ومفهومه=ما زال وجعان كيف انعالج العايب
مسروق مبيوع والشعار مضلومه=كلن طمع فيه لامرعي ولاسايب
كل القنوات بشعار مزحومه=ما تفرق الشاعر الطيب من الخايب
هبت ودبت طيور الليل والبومه=والحر فالرجم لا وارد ولاهابيب
والجيل الاقشر ترك مبداه واسلومه=غلطان ما ياخذ الحكمه من الشايب
هذا زمانٍ يصح العبد من نومه=المسلم المعتدل والمومن التايب
انفوس تكسب رضى وانفوس محرومه=هو المودي عزيز الملك والجايب
المسعد اللي يصلي الفرض ويصومه=يتبع طريق النبي من حظه الطايب
للشاعر / دحيم بن رشيد الغنامي