مقعد الدغيلبي =
سلام ردية وفا تحتاج الي بعض الحلـول=تحتاج لبعض الحلول لروس ربعي واهلي
ياسعود ياسعود العصيمي بعد بركت الذلول=احدٍ يبا ينحر جمل واحدٍ يبا يذبـح طلـي
سعود العصيمي =
يامرحبا ترحيبةٍ مثل الزهر عقب السيول=ياللي لفيت ابعلم هات العلم واسمع مايلي.
اللي على بالك على بالي وعلمك لايطول=نبغى المعاني نارها يابن محمد تصطلـي.
مقعد الدغيلبي =
انته تقول انته تطول وغيركم ياوش يقول=علم جهينه قبل لاخذ سيف ابو طالب علي
اللي يدقدق فالطبول ومعجبه صوت الطبول=ياقرب منزاله ويبطـي ماوصـل لمنزلـي
سعود العصيمي =
حنا قرانيس الحرار الشقر ذربين الفعول=اعلمك بالعلم يامقعـد وعلـم بـه بلـي.
امسيلمه بطبوعها للجار من عهد الرسول=اما صليناهم صلـي والا قليناهـم قلـي. .
مقعد الدغيلبي =
الله عليكم وين رحتو ياطولين السبـول=احدٍ ينادى بسهلي واحدٍ ينـادى عبدلـي
امسيلمه ياسعود مايقدر يصوول ولايجول=لكن قله يالعصيمي قبـل اللقيـه الخلـي.
سعود العصيمي =
انته تعاين فـي بالعينيـن والعينيـن حـول=مالك ومالي ماعتلا حظـك وحظـي معتلـي.
جيش ابرهه ماينطحه ياصاحبي جيش المغوول=لاتحسبنك ضد الي في يوم ميحـات الدلـي. .
مقعد الدغيلبي =
الجامعه ومقفلـه ماعـاد للراسـب قبـول=يالله عساهـا غيمـةٍ ماتنجلـي ماتنجلـي
جيش المغول الى على تيما تسحب فالسطول=دايم رخوم القوم تنظـر للـردا والاسفلـي .
سعود العصيمي =
للمجتهد بابٍ مشـرع مـا يقفـل بالقفـول=وانته ماتقبل نسبتك والمستوى مالك حلـي,
ماتلحق الشكات يابو زيد ياكـووود امهبـول=وانا اعرفك صدرك من الضيقه يغيض ويمتلي.
مقعد الدغيلبي =
بروقها تبرق وهلن من علا راسك ثعـول=وش قلتلك فالي مضى ياصاحبي وش قلتلي
اشعيل مايبرك يابو طايل مباريك الرحـول=لكن انا بكوي عميلك وسط عرق الاكحلي.
سعود العصيمي =
امخالف الواقع ماتثبت حجته حسب الوصول=لوكان معه السان يقدر ينقض ابه ويفتلي.
اشعيل يامقعد ليامنه بـرك شـال الحمـول=ماهو كما الحاشي ولامثل البعير الساحلـي .
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|