[محمد العتيبي]

السلام عليكم ورحمة الله وبركاته


اعزائي الكرام

يسرني أن انقل لكم مساجله شعريه رائعه ، وشامخه كشموخ

شعرائها ، حيث وجدنا ما يتخلل هذه القصائد قوة المعني والجزاله

الشعريه .. هذه المساجله جرت بين الشاعرين :

زميلنا/سعود الدماسي و سدااح العتيبي .

والبدايه من زميلنا عضو منتدى الهيــلاسعود الدماسي :

الله من قلبن سطوبه حبايبه=سطوا صقيل يوم يسطي ضرايبه
صارو له احبابه كما علت النحر=واسقوه من جمرن تزايد لهايبه
يا متلفين الروح والروح هايمه=في حبكم ماهي عن الحب تايبه
تتعب على بيت الهوى الي يضفها=تخاف من وقتن تزايد مصايبه
ياوجد قلبي ياغزالن مذيره=سمعت ونس صوت الهوى في هبايبه
ويوم استدارت دارت الا رض حولها=وازريت لامشي والقدم منه عايبه
وفي جسمها ريح الخزاما مخمره=خمريتن وعيونها سود رايبه
والساق مدموجه ويمشي براحته=والجمرتين الموت زادت عجايبه
جمره على جمره وبرقه يخاطفه=والكلمه ليا من هرج منه ذايبه
وانحلت الفرقا دخليك ياجايره=ردي حيات اسعود والروح طايبه
ردي حبيبن فالحشا ذي منازله=ومن قطعت ضلوعي عطيته وهايبه
واليوم ابشكي يوم ضاقت دوربها=شكوى يتيم مضيقينه قرايبه
سداح ياسداح ماعاد بي صبر=افزع لقلبن زاد خله عطايبه
ياذخر عودن وافياتن خصايله=يوم الولد دربه على نهج شايبه
وانا مريض وعلتي من طبيبها=والعله الي جاتني من سبايبه
بالله يا سداح روحي تعذبت=الحق على اللي علته من حبايبه

رد الشاعر/سداح

غنّا الدماسي عقب شبّت شبايبه=وأسند عليّ من الفرايد غرايبه
كتب على بحر الهلالي قصيدته=طرق ٍ من أرشيف المغنيّن جايبه
وأن كان قصده يختبرني بردّها=الردّ حاضر والشياطين غايبه
يوّن قلبه من صوابه ويشتكي=ويقول قلبي كيف تبرا صوايبه
ومن قصة العشاق نفسي تحيّرت=وظنونها من سيرة الحبّ خايبه
الناس خلق أجناس يفرق مرادها=واللي وهبها ما تعدد وهايبه
أن كان ما تقدر على غبة البحر=خلك على جاله وتسلم نوايبه
ماجور يا سعود الدماسي من الهوى=لا بدّ تدفع يا العتيبي ضرايبه
غدا بك اللي حلّ حالك من الحلا=سود ٍ مضاليله .. وشقر ٍ ذوايبه
حطيّت روحك فوق كفّه وضمّها=وأومى بها لكنّ ماهيب سايبه
قل هاتها هو ما درا أنه لعبّ بها=وصارت على قول المثل من لعايبه
أخذ النصيحه والنصيحة على النقاء=الحبّ خلّه لاتطيح بنشايبه
شف حالة العشاق وأفطن لحالها=كم روس مع درب المحبيّن شايبه
يقولها مجرّب وتنجيه خبرته=وجهة نظر في الحبّ عنده .. و راي به
الوقت يركض والمصالح تسابقت=لين النقاء المجرود زادت شوايبه

اتمنى أن تحوووز على رضاااكم ..

التوقيع

للتواصل عبر twitter تويتر al_bargawy@