[عمر الدغيلبي]

التلميذ عمر العتيبي :

سلام الله على أستاذ الشعر مرزوق بن حمدان = سلام الله على اللي لا بدع يطرب مسامعنا
نصيتك باللعب ياللي تسد بساحة الميدان = عن عتيبه وعن ربع ٍ عزيزه شاركوا معنا

الأستاذ مرزوق حمدان العتيبي

هلا يامرحبا ترحيبة ٍ (يرجح لها الميزان) = بوسط المنتدى اللي في علوم الطيب جمعنا
مادام انك نصيت اكرب حزامك واحكم القيفان = لعلك ياعمر تبدع بحكم القاف والمعنا

التلميذ : عمرالعتيبي

يدوم إلك البقا ياللي حضورك يثبت السيسان = بوسط المنتدى اللي من جزيل الشعر سمعنا
حزامي كاربه يا أستاذ يوم الدرس بالمجان = وكاني جدت بالمعنى ترى انته صرت مطمعنا

الاستاذ مرزوق حمدان العتيبي :

تبا تتعب على رمي الهدف ياراعي النيشان = رمعنا فيك كل الخير لاتخلف مرامعنا
يا بن منعر وصلنا علم ماتفرح به الصدقان = اثر بعض العرب وده على الهزله يرجعنا

التلميذ عمر العتيبي :

أنا ما اتعب على الرميه وأصوّبها بدون اوزان = وأجيب القاف تلـو القـاف وادوّن مطابعنـا
ترى اللي ينقلون الهرج وسوس فيهم الشيطان = بـلا حجـه يوردهـا يحرفـهـا و يتبعـنـا

الاستاذ مرزوق حمدان العتيبي

ترى اللي يخطي الدرب السوي وهداية الرحمن = يبا يندم ندامه ماترقع لو يراجعنا
بعد وصل الصبر حده يابن عمي غضبنا بان = وحنا لابة ٍ فوق القمم ثابت تربعنا

التلميذ عمر العتيبي :

يباله سيف مثل اللي معا ذاك القبع مشعان = يعلمه العلوم اللي قبل عنها ترافعنا
ترى مثله جهل فاللي ليا حانت لها نيران = وحنا لابة ٍ بالحق ما نبحث منافعنا

[/align]

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

آخر تعديل عمر الدغيلبي يوم 22-Apr-2009 في 01:06 PM.