علي فلاح العضياني
و ألا يالعوازم ربعنا ... عالجوا عيد=بسرررعه لو تقطّون قيمة علاجه
ترى الوضع مزري و المرض يمكن يزيد=و لا ضيقه إلاّ من بعدها إنفراجه
العازمي
نقي المشاعر مايعرف التصاديد = ولافيه بعد البعد غير المواجه!!
ابلعب معك لو الهدف ماهو بعيد = عوايد علي عينه تناجي حجاجه!!
علي فلاح العضياني
لو إنّك نقي يا عيد ما جيت بالعيد=أثر عيد بالفتنه يروّق مزاجه
ما يشعل فتيل الشرّ غير المقاريد=يا سكّان ظلم اللي كثيره عجاجه
العازمي
قطعنا الجفا بالوصل بين الاجاويد = وراع الفتن ماقط جينا حراجه!!
اهل ظلم صلفين النيا يامعيقيد = على بال من ضده من الوقت حاجه!!
علي فلاح العضياني
لقيتك لقيتك ما تهاب المناقيد=أنا أظنّ معك العقل فيه إرتجاجه
يكفّي ولدهم عندنا مثل أبو زيد !!! =لكنّه نشب ما عاد يعرف خراجه
العازمي
ليا هبت من جمع الرجال الصناديد = تساويت معك وصار ضلعي زجاجه!!
على العرف والمعروف تحتاج توكيد = ولاقد نثرنا الحب قدم الدجاجه!!
علي فلاح العضياني
أنا خابرك في لا جات للفعل رعديد=تحبّ النميمه و النميمه سماجه
الاجواد فالظلماء سرجهم مواقيد=و خصمي على راسه كسرنا سراجه
العازمي
تنشّد من العضيان مادامك وليد = تحب الظليمه لن فيك انعواجه!!
الاجواد غيرك كلهم خير من حيد = تَلولش على الفرقا فروخ الزراجه!!