اليكم هذه الابيات عساها تنال اعجابكم
كل ما قلت الهواء صكيت بابـه=اعترض لي واحد(ن) غير مزاجي
واعـذاب القلـب والله واعذابـه=منك يالمجمول يا طلق الحجاجي
يوم شفته قال قلبـي مرحبابـه=وصاب قلبي مثل ما قيل ارتجاجي
قلت يا قلبي علامك وش تبابـه=لا تورطني وانـا ادور خراجـي
قال والله ما نجنب عـن جنابـه=لين اذوق الماء حلو والا هماجي
والله اعلم في طريقي ويش جابه=لين سبب لي مشاكل وانحراجـي
والله ان العشـق شققنـا ثيابـه=وللمحبه فاصل(ن) سلك البواجي
والهواء يا قلب ماء يمطر سحابه=المطر ما به مطر كله عجاجـي
قبلنا كم واحد(ن) عاش وشقابـه=قبلنـا راح الدجيمـا والعواجـي