حاكم الغنامي
سلام تسليمة القلب التقي النظيف =لوكان بعض العرب مدري عن قلوبها
انا فهمت المعاني مير ماني ضعيف =مالد عيني على ليلى ومحبوبها
علي فلاح العضياني
يا مرحبا و انت يا حاكم معزّب و ضيف=و السمعه الطيبه متلبّسٍ ثوبها
بعض المعاني تراها مثل حدّ الرهيف=و بعض المعاني ترى ما نلتفت صوبها
حاكم الغنامي
ياهل المحاني ترى منتم من اهل المصيف =عشان نشري الرحا ونحظر حبوبها
خلك على دربنا مثل الضرير الكفيف =انوردك للعدود وتنقل غروبها
علي فلاح العضياني
دفنكم العجّ يا أهل ظلم و أهل عفيف=و أهل المحاني رجالٍ تعرف دروبها
يا بن عطيّه ترى ما انت بحسين الشريف=الشمس يا بعد مشرقها عن غروبها
حاكم الغنامي
لاتوهم الناس ياذاكن دمي خفيف =وانته كما الحيه اللي تدفن جنوبها
ولادلنا للافاعي غير صوت الحفيف =لكّن في هالشنب ...لشقق جيوبها
علي فلاح العضياني
لو إنّ بعض العرب دارين بالعلم كيف=ما كان هالحين قدمي تنفخ ذروبها
أكثر علومك يا بن غنّام سحاب صيف=كيف إتهدّد و نفسك دوبها دوبها
حاكم الغنامي
اللي حياته على زبده وسمن ورغيف =لاعاد يدعي هل الطاله لماجوبها
ماتدري اني عليكم صيف ولا خريف =حاكم وكل العرب تصغي لمندوبها