[ناصر الجلاه]

..

السلام عليكم ورحمة الله وبركاته ,,


محاوره جمعت بين الشاعرين / سلطان الجذع والشاعر : عبدالحكيم بن سعود .


وأعجبتني المعاني الفريده والجزاله في التركيب

وهم بلا شك نجوم واعدين فاليكـــم :


سلطان الجذع

علموا عبدالحكيم سعود يثبت فـي محلـه=لين اشب النار فوق النار وادفـه علاهـا
في سجله كلمةٍ ,, نكبه على باقي سجله=بالوصوف اربع حروف ووجهها كنه قفاها

عبدالحكيم بن سعود

لحيتك واليا شعمت النار فيها فيك خلـه=نعنبوها من رجالٍ نارها تحـرق لحاهـا
انت لاضابط مرور ولانت ضابط في الادله=والعرب ياصاحبي سلطان ماتفهم لغاهـا

سلطان الجذع

لايجي فالصدر ضيق ولايجي فالقلب ذلـه=ساحه الميدان في وقت الطلب تبغى رضااها
ياحليل اللي بعرفه يفتـل الحبـل ويحلـه=ماتوقع حذفتـه مـن دونهـا والا وراهـا

عبدالحكيم بن سعود

زلة ابن العم عندي يالجذع ماهيـب زلـه=وان تعودها نطلع له سنونه مـن جماهـا
والحكيم ان كان تبغى العرف خلك تحت ظله=صفحته حكمه وعلم ويسعد الله من قراهـا

سلطان الجذع

مانسيتك يوم جيت العام في صورة مجله=في ربوع الديره اللي ماتبـاك ولاتباهـا
قد قرينا صفحته وكتابه المكتـوب كلـه=بس مدري هو نصيب الساحره والا رجاها

عبدالحكيم بن سعود

ليش تكذب وانت للهندي شعر راسي تبله=مار انا صاحي بفكري والهنود العن ثواها
مالك الا من يشيد لك على الكرنيش فله=بالسحر والا القرايه عندي العله دواهـا

سلطان الجذع

كـل شـئٍ حافظينـه ظابطينـه بالادلـه=لو ذلول ابليس ترثع من خلاها في خلاها
سوها للمورقي ,, والا الجذع في نجد خله=الديار اللي عسى وبل المطر يسقي ثراها

عبدالحكيم بن سعود

مات بن داوود واقف والمجنـن فـي مذلـه=مايطيح الا بعـد ماتاكـل الـدوده عصاهـا
في كبد خابرك عايش مار اخـذ قرشيـن لله=واشتر بخمستك لقمة عيش تتشبع من شراها

سلطان الجذع

فيه عله طبها معـدوم جعـل الله يعلـه=مابقى الا الانبياء .. بكره يقول انه حداها
والله انك ماتمشيها على مذهـب وملـه=مير لاجت مثل هذي بالحذا ناطا علاهـا

عبدالحكيم بن سعود

نهجنا نهج الصلاح ونعتبر للديـن قلـه=والجذع لو قلت اتل سوره صغيره ماتلاها
يالجذع جنبك براسـك طالبينـك لاتثلـه=انت تاطا جرتي وتقول انا اول من مشاها

سلطان الجذع

الكلام اللي معي تبديه ماانت بحاسبٍ له=والله انا ياابن ثعلي نعرف البير وغطاها
الملامه فوق قلبٍ تله الهاجـوس تلـه=لين وردني عدود مايبل الحلـق ماهـا

عبدالحكيم بن سعود

انته اللي طحت فوق الضلع من حبل المظله=والجبال الصم تذبح من يوقع في حصاهـا
الله اكبر ياهجوس بان في المكتوب غلـه=حبته تحت الرحاه اللـي رفيـع مستواهـا

[/quote]

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com