ارجو من الأخوان القائمين على المنتدى إضافة القصيده التاليه لديوان الشاعر / قبلان مهنا الشيباني في أعلى الصفحه و تعديل بعض القصائد شاكر حسن تعاونكم .
قصيده للشاعر قبلان مهنا في مراحل العمر :
تـدرج ياقلـم واكتـب بيانـي=وحاسبني علـى زلـت لسانـي
يصح القول من كثر التجـارب=واخذت من التجارب ماكفانـي
بياني عن حصيلة مـا ذخرتـه=وبرمجته من احـداث الزمانـي
بعد خمسيـن مرتنـي سريعـه=سريعه سرعة البـرق اليمانـي
تسابقنـي واسابقهـا سنيـنـي=وأحد الوقت والوقـت يحدانـي
أنا مريت فـي اربـع مراحـل=ثلاثة عـوب ورابعهـن ليانـي
فـأول مرحلـه طفـل مـدلـل=أرب البيت والعب مع خوانـي
وأدور صحبة في مثـل سنـي=من الجيران وعيـال العوانـي
ونمرح في سرور وفي سعـاده=ولانعـرف همـوم المودمانـي
ومن الشيبـان نكسـب ماتيسـر=من التوجيه وجـزال المعانـي
وثاني مرحلـه غايـة شبابـي=طموح بـلا حـدود وعنفوانـي
وتصميم على صخـر الطبيعـه=لايـاس ولا خمـول ولاتوانـي
اراقب كـل فرصـه واغتنمهـا=ابانافـس طويلـيـن اليمـانـي
واثر مـا كـل مطلـوب يتهيـا=ألا بعـض النواجـذ والبنانـي
على قول ابـن هـذال القريفـه=كذيـا مـا تهـيـا بالتمـانـي
وثالث مرحلـه لاهـي وغافـل=بحاجات اسرتي واصلاح شاني
وادور ستر وجهي عند ربعـي=وضيفي والرفيق اليـا نصانـي
واشارك مع بني جنسي بحالـي=ومالي فـي رضـا دار ربانـي
ضميري راحته خدمـة بـلادي=نهار وليـل بأخـلاص وتفانـي
ورابع مرحله كملـت درسـي=واخذت من التجارب ما كفانـي
عرفت أن الحيـاة أم المعـارك=رحاها تدرج مـا فيـه أمانـي
تروع أحداثهـا مـن لا تسلـح=بحزم وجزم وضلـوع متانـي
وفيها المرجله مقصـد وغايـه=وأبين مـن خصايصهـا ثمانـي
ترى اولهـا التمسـك بالعقيـده=وديـن الله والسبـع المثـانـي
وبـر الوالديـن اكبـر غنيمـه=رضاهم يدخلك خضر الجنانـي
وتـرك مرافقـة ذرو هطنطـل=بخيـل الكـف رعديـد جبانـي
ولزم الصمت عن اللي ما يسرك=يجنب شـر عثـرات اللسانـي
وحق الجار والضيف وخويـك=مواجيب مثل صـوم رمضانـي
ولاتاخذ من الأحمـق مشـوره=وتلقـا مـا يقـول الاصفهانـي
ولايخدعـك بالقـول المعسـل=كـذوب فالصمايـل ثعلبـانـي
ولا تجبن في غصاب المواقـف=ترى لك عمر مالـك عمرثانـي
وصل الله علـى سيـد البرايـا=عدد من شاهد الركـن اليمانـي
آخر تعديل عابـــــر يوم 16-Apr-2009 في 10:18 AM.