[العتيبي أبا غيث]

المشاركة الأصلية كتبت بواسطة ابن سرحان الثبيتي

خاطرة عسى ان ترتقي لذائقتكم

ياليل ياطول المسافات طولآه=بين الغروب وبين لحظة ارقادي
كني غريب ٍ فـ الزمن تاهت اخطاه=والموعد المهجور شربي وزادي
تعبت وحبال الزمان المطواة=تغتال لحظات الفرح في مهادي
تعبت اجامل وابتسم للمعاناة=لين اصبحت في واقعي شي عادي
تعبت اسج الفكر وادور ارضاه=لين انتحى مدري عنه وين غادي
حتى الشموع اللي فعيني مضواه=ماتت وقمت اعلن عليها حدادي
وكن الحروف الساكنة تنطق الآه=اسمع صدى وناتها في فؤادي
اتبوح لاوراق الشقاء ما تمناه=وتعلم الافكار حب التمادي
امسيت مثل العود مافوقه الحاها=يصارع اوجيه السنين الشدادي
اعبر بفكري واقعي واتعده =واشق صمتي بالسيوف الحدادي
اهيم في قصور الخيال المبناه=واعيش ما بين القيم والمبادي
يللي تقول ان الصبر مر لولاه=مات الرجا والياس وثق قيادي

.

إبداع يابن سرحان

صح لسانك وبيض الله وجهك