العازمي
الخيال اللي هبوب الشرق للمغرب تسوقه=بعْد مالاحت بروقه قام يطريلي طواري!!
والجذع سلطان لو دمه مشا داخل عروقه=ماركز مشعاب بقعا في معاليق السواري!!
سلطان الجذع
لاتصدق في خيال الصيف وتخايل بروقـه=كل ماينشي سحابه شالته هوج الذواري !!
الجذع سلطان ماضيّع مع اصحابه حقوقـه=صمته الحكمه ومنطوقه مثل حد الشباري !!
العازمي
ادلهمّ المزن والديره تعيّن فـي صدوقـه=فالسما ودنا البحر قرّب بعيدات الهواري!!
النخيل اللي تلوّى فيـه تمـره ماتذوقـه=تنضج التمره وياكلها رفيقلّـك مبـاري!!
سلطان الجذع
ليت لي رجلٍ على غير القـدا دايـم سبوقـة=كان اعبر مايكـن الصـدر وارد اعتبـاري !!
ليه داب الغـار ماخيّطـت بالمخيـط شدوقـه=وانت من غاره تشوفه مع ظلام الليل ساري !!
العازمي
كان مالك يابيض الشارب على الشدات طوقه=دون بيبان الشجاعه فيه بـابٍ للطـواري!!
اعترضله واحدٍ ذوقه علـى ماظـن ذوقـه=بعد ماقطّع شدوقـه مايـدل الا المـواري!!
سلطان الجذع
المصيبة فالبعير اللي شـداده مـال فوقـة=يوم تسعى له ويصدر فأمره الامر الوزاري
اعترض له واحدٍ عهد الحميـه مايبوقـه=احتزم يوم انت خلف الباب وتهل العباري
العازمي
البعير اللي يشيـل الحمـل ماشـيٍّ يعوقـه=وان مشا لاتزعجونه بالصياح وبالبـواري!!
هيّنه ,,ياهون مشي الموس في روس محلوقه=فالدعاو الكايده منته بلاقـي عـم غـاري!!
سلطان الجـذع
الاكيد انه مثـل راعيـه مازانـت وفوقـه=لو تدّور باعته ماجاله من النـاس شـاري
لاتمش الدول والطبخة على النار محروقـة=ويش قال لك البحر مستور في زيد المطاري
العازمي
الجمل شقران عن غيره كثيراتٍ فروقه=مايطب السوق قطّاع الفيافي بالمساري!!
الجذع خلاّ صبوحه عمد مع حزة غبوقه=كل مابرّد غليص اللقمه آكلها مكـاري!!
سلطان الجذع
يالعتيبي ماتعرف المر لين انك تذوقـه !!!=تجري الايام وتعلمـك دامـك ماانـت داري
ان ضواك الصبح صحت لربعنا برقا وروقه=وان ضواك الليل ماتسري مع سباع الغداري
http://www.otaibah.net/m/showthread.php?t=88407