محمد صالح العطاوي
سلام الله عليكم يارجالا فالبلد حضار =اقوله من ضميري والله اللي يعلم الخافي
دخلت السوق واثر السوق مزحومن بهالتجار=وكلن فاللزوم اليا حضر يا اصحابنا يافي
معجب العتيبي
هلابك عد نجمٍ فالسما ياصاحبي دوار=اقوله من حروفٍ بينات اللون ونظافي
محمد لادخلت السوق وقف وانتظر واختار=ولا تشري ولا تبتاع غير الزين والصافي
محمد صالح العطاوي
يدوم الك البقا ياللي ترحب والليال بكار=وخلاق البشر ستره علي كل البشر ضافي
تعلمني وانا دارى واعرف اللي لهم مقدار=ولو ان السنين التاليه كثرن الاصنافي
معجب العتيبي
اجل هات العلوم اللي تجي فالذاكره تذكار=ومابيني وبينك لايجي معنى وينعافي
انا ماعلمك ياصاحبي حتى تشب النار=انا اعلمك لجل ان الحمول ثقال وخفافي
محمد صالح العطاوي
حقيقه والحقيقه ماعلاهايالصحيب غبار=وخلك معي لاتمشي ونورك يالشنب طافي
انا خابرك يامعجب مدير وتعرف الزوار=وخلك مع سديدالراىجنب رفقة الهافي
معجب العتيبي
ليامنك عرفت الدرب قلنا يلفت الانظار=ودربك لامشيته لاتحوسه قدم وخلافي
نصيحه طيبه ياصاحبي مير القلوب اسرار=وراك تنقص حقوق العرب يارجل ياوافي
محمد صالح العطاوي
انا مانقص حقوق البشر يالشاعر البيطار=ولكن السنين اللي علينا جرد وعجافي
تقوله وانت تدرى والعرب تدرى عن اللي صار=احد يسري بنور البدر واحدبضو كشافي
معجب العتيبي
يقولون العرب لاصار فالدنيا عجاج اغبار=يجي عقبه مطر ويزين حال خفاف ونحافي
يامشالله ياماشالله لقينا فالعلوم كبار=وشفنا شي ماكنا نضنه كان ينشافي