باروود=
اشغلوا ربعنا معجب وابشغل سعود=روس ماهمهـا بقعـا وصكاتهـا
يالعصيمي وانا مانيب رجل حسود=العرب يم شرق الا رض وجهاتها
سعود العصيمي=
ماعلينا كلافة وانت مانت امحـدود=مار هات العلوم اللي معك هاتهـا.
المراجل تعني في طلبهـا الفهـود=مار بعض العرب مدري وش اثباتها
باروود=
النوايا سليمه علم يرقى سنود=جارك الله من الدنيا وميلاتها
ماشيٍ بالنظام وماتعدّى الحدود=وماتحسّب يدين الطيب مداتها
سعود العصيمي=
بارك الله برجلٍ مايبيـح السـدود=وان وقف فالمواقف سد وقفاتهـا.
مانقول انت مخطي ياعريب الجدود=مار ابه كلمة ماجيـت برواتهـا.
باروود=
مابغينا مسامتنا تعضّ البدود=ساعة ٍ جعلها تقفي بشمّاتها
قلتها والسوالف ماعليها قيود=والثقيلة نخلّيهـا لحزّاتهـا
سعود العصيمي=
المسامه مانعرفها ولاهي بفود=كل ناس وطمعتها ومشهاتهـا.
بعد قام الك حظك لاتصح الرقود=خلها بيننا تمشي على اوقاتها.
باروود=
المعاني ترى ما هي بكثر الردود=ياكثـر نـاس تاخذهـا بعلاتهـا
تثبت الخيمه البيضا بطنب وعمود=ريح النفس لاتشقيـك شرهاتهـا
سعود العصيمي=
نحمد الله نعرف الصادره والورود=والعصى ماندوّر شقرت الحاتهـا.
من فتلها نقضها والعوارف شهوود=ماتساوى الاصابع في بصاماتهـا.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|