عيدالعازمي=
يامرحبا واقولها من طيب نفس وسيـح بـال=بعض اللحى ماجوبها من قدرنـا ماجوبهـا!!
من عقب ماقاض العدل عدّى على روس الجبال=اهل الرشـاوي تاترجـع مالهـا بجيوبهـا!!
ابولمار =
دام البقا واشكرك ياراعي الوفا يابو طـلال=واللي تقوله لاهوى نفسـي ولامطلوبهـا
قاض العدل حكمه على مسكين مايملك ريال=يوم القيامه كل نفس امحاسبـه بذنوبهـا
عيدالعازمي=
شاعر وصاحب و ألك ميقاف الشرف بين الرجال=لكن راس السالفـه ماهـو مثـل عرقوبهـا!!
عطنا تفاصيل الدعاوي يوم عنـدك راس مـال=تجاركم في سوق مكه وش مصيـر حبوبهـا!!
ابولمار =
حنّا ابتلشنا في العرب مابين قيل وبين قال=كل" يقول المعرفه عندي وانـا مندوبهـا
ياعيد لاصحابك هل الصنعه توّجه بالسؤال=لو كل ديره عارفين اشعابهـا ودروبهـا
عيدالعازمي=
كلٍّ ليا جار الزمن شد الحبل فوق المحال=والمعرفه منته بقاصر مكتسي من ثوبها!!
قدّام نعرفكم يدينا ماتنـوش الا السبـال=اسستها من حر مالك لبنها مع طوبهـا!!
ابولمار =
لاواحليلك يالعميل اللي توّفي في الكيـال=وانته ولدت بمعرفه خبرتك بانـت دوبهـا
انتم رجال اعمال في هذي ولافيها جـدال=بعض العرب يدروا بها والبعض مايدروبها
عيدالعازمي=
ياشين طبع اهل الحجاز اليا هرجنا بالعدال=قامت تلف السالفه ثم بيّنت عذروبهـا!!
عشرين لقمه من حرام ايكفّها لقمه حلال=ضاريبها واصحابك العتبان ماضريوبها !!
ابولمار =
اهل الحجاز اللي يعرفون الصحيح من الخبال=والكلمه الزينه نميّزهـا بحسـن اسلوبهـا
عشرين لقمه وانت تاكل باليمين وبالشمـال=ابطونكـم ياكبرهـا واقلوبكـم ياحوبـهـا
ابولمااار
حنّا ابتلشنا في العرب مابين قيل وبين قال
كل" يقول المعرفه عندي وانـا مندوبهـا
ياعيد لاصحابك هل الصنعه توّجه بالسؤال
لو كل ديره عارفين اشعابهـا ودروبهـا
االعازمي
كلٍّ ليا جار الزمن شد الحبل فوق المحال
والمعرفه منته بقاصر مكتسي من ثوبها!!
قدّام نعرفكم يدينا ماتنـوش الا السبـال
اسستها من حر مالك لبنها مع طوبهـا!!
ابولمااار
لاواحليلك يالعميل اللي توّفي في الكيـال
وانته ولدت بمعرفه خبرتك بانـت دوبهـا
االعازمي
ياشين طبع اهل الحجاز اليا هرجنا بالعدال
قامت تلف السالفه ثم بيّنت عذروبهـا!!
ياسلام عليكم
مبدعين اثنينكم ولافيكم حيلة
صحت السنتكم وقلووولكم
ولاتحرمونا من ابداعاتكم.