ناصر المرشدي
ياسلامي سلامِ مرسله في مهمه= والمهمه هدفها عيد مافيه غيره
اتفكر من الدنيا واشوف المطمه= واذكر العازمي واذكر قناة الجزيره
العازمي
مرحبا بالسلام وكل عشّاق قمه = مار يالمرشدي ياجعل فالامر خيره!!
كل واحد من الايام قد شال همه = وانته اختر سفير الحق والا نذيره!!
ناصر المرشدي
انت مدري تفل الشمل والا تلمه=بعد طاحت حبوبك فالرحى المستديره
(عيد لو ينفض اللحيه ويطوي معمه)=لاحدِ ياخذ برايه ولايستشيره
العازمي
من كلامك عميلك دهر مافار دمه = سلم جدّي مازيده لو حبة شعيره!!
يوم غيري لياشفته تغير وتخمه = تحسبنّي على لاماك حبلي قصيره!!
ناصر المرشدي
نعرف العازمي عدِ غزيزِِ مجمه=بس باحت سدوده فالليال الاخيره
تفتح اذنك وعينك والخبر ماتضمه=لان ابو زيد برك قدم بابك بعيره
العازمي
الك يالمرشدي فالعرف عمٍّ وعمه = مار مابينهم ماظن عينك قريره!!
ناصر المرشدي لو شحت بالعين يمه = قام ينخا لمزحم في نهار المغيره!!
ناصر المرشدي
انت صليت فارض الله على غير يمه= سيرتك مع هل الايمان ماهيب سيره
ويش لون الحياه بدون امانه وذمه=كل واحد يحدد في حياته مصيره
العازمي
من يصلي لغير الله ياويلة امه = وانت منته رقيبٍ للوجيه السفيره!!
صادق الله يديمك ,,لو علمك تتمه = كان من دون بندر صرت شباب نيره!!
ناصر المرشدي
ودي اقول طيبة قلب ماهيب نمه=وودي اقول عيد الله يحوّس مريره
النهايه مشاريه وعتاب ومذمه=ووقفتي دون ابو سلطان ماهيب عيره
العازمي
ألي مقصد ومن طيبك بعد قلت سمه = لاتحاول تعقّد في سلوك الضفيره!!
كل جرحٍ عليك الله تحاول تدمه = اعتزيبك نهار الضد والا الكسيره!!