سحيم العصيمي
ياسلام إينوب للرجال عن منطـق لسانـه=عبر خط الذبذبه نرسل تحيـات السلامـي
وصل بن مشهور له عامين ماحدد مكانـه=مر من قدم الصفوف ومر من خلف الامامي
وصل العطياني
مرحبا ترحيبـةٍ تمشـي علـى ذمّـة وأمانـة=عمّها معروف مـا يحتـاج احـدد بالاسامـي
حيث كان المجد تلقـى بينـي وبينـه ميانـة=ما تغيّر منهجي , وافرض على الناس احترامي
سحيم العصيمي
يوم اخذك الراس الاكبر ماضوى من غير خانه=واسطتك العام ماتكفيك ابد فـي كـل عامـي
ادري انك محترم ياصاحبـي عنـدك حصانـه=في عيون الناس يم الشرق وان روحت شامي
وصل العطياني
والله إن عقول بعض الناس محتاجة صيانة=زال باقي صبر ما وصلت ليا كسر العظامي
الصديق اقـدّره وأحشّمـه وأعـزّ شانـه=والعدوّ يمرّني جالـس وعـزّ الله مقامـي
سحيم العصيمي
مانكب عفش العقـول الا قليليـن الديانـه=وانت ماحصلت فالطرقه شراب ولاطعامـي
من عرف حد الصقيل إيعاف شيل الخيزرانه=احلموا قدام تصبح رميةً من غيـر رامـي
وصل العطياني
يا سحيم أنصحك وانت تعيد نفس الاسطوانة=مشكلتك انك عتيبي بس ما تفهـم كلامـي
البحور الهايجة مـا تنغـرف بالاستكانـة=والفتى لن ما شرب بيديه والا مات ظامي