[البدوي الاخير]

عبدالرحمن بن فيحان يقدم الحفل والشعراء


خير بدايه للحفل القراءن الكريم بصوت .... ياسر بن ضيف الله بن ماطر




الشاعر غلاب بن ود



وهذة قصيدة غلاب بن ود


في ضلال الشجرة الضافية عرض وطول - شجرة آل سعود مجد العرب وضلالها
أسمعوا ياثبيت ما أقول في زحل الزحول – وردو الأقوال عني وأنا قوالـــــــها
شارب مايعترف بلحقايق مايطـــــــــــول- ولحية ماتشهد النور يقمح فالــــــها
السيوف مغمده وأنتهى دور الذلـــــــول – ولابقى إلا جاه الأجواد واموالــــــها
ماش أمير ولاش أمارة تصير بلا فعول –علم اللي كيلها دوب حلق عيالــــــها
بيض الله وجه فيحان شيال الحمـــــول – الحمول الليا رغت بالحمول حمّالـها
بيض الله وجه فيحان بن تركي قبـــول _ المصاعب دون برقه وروق وحالها
بيض الله وجه فيحان واكرر وأقـــــول – لامضر ولا ربعيه طلع فنجـــــــالها
يابن تركي ودي أمدحك لاكن وش أقول – انت اكبر من مديح العرب وافعالـها
انت مثل الجدي والجدي من يقدر يطول – هامته مع سبّع الجدي في منزالـهـا
وانت مثل النور والنور جعله مايــزول – نور فجر في عيشه زمى بطوالهــا
كاسب قولة نعم في الطلوع والدخــول – بين حكام الجزيرة وبكل أحوالهـــا
أنت رحمه منزله خصها الله بالنـــزول – تحمي العقال من طاغيه جهّالهــــا
وانت هافه كان ضول وقف في وجه ضول – ورّمك صاح الصياح وركب خيالها
وانت زمزوم الفعايل لاجى للفعــــــول – بين شنطان اللحى والشوارب فالـــها
وانت ابو فعل تزول الجبال ولا يزول – شاهده في عتق الارقاب هي وأمثالها
من هذه نقدر نقول لك يازحل الزحول – ياشرف قوله رباعين ياجمّالــــــها
انت حاله نادرة ماطلع عقب الرسول – مثلها الا ابوك تركي زبون اشكالها

---
قصيدة الشاعر خضير البراق
ترفع لك البيضاء على راس ماطال ______ ياراعي الطاله وراع الشكاله
ياللي دحمت رجال واظهرت رجال ______ قدام يمضي فيه سيف العداله
يوم الثبيتي حــــط من دونه اقفال ______ وقال القضاء من ذبحته لامحاله
وقفت له بالجاه والمال والحــــال ______ وثنيت دونه ياعــــريب السلاله
جبت الشيوخ الي لهم وزن وثقال ______ وزادوا جزالتك الفريده جزاله
تسعى بنفسك ما يكفيك مرســــال ______ وعـند المواقف ماتكفي رســـاله
وأكدت قولك يبونايف بالافعـــــال ______ فعـــل ينومس من حكاه وحكاله
فتحت شيك وقلت وش قيمة المال ______ إن ماخدم ربعي وسوى جماله
غز الله انه موقف يشرح البـــــال ______ لاصار في بعض المواقف هزاله
وعز الله انك شيخ واسلوبك لحال ______ ولالك زميل يستحـــــق الزماله
غيث على ربعك كما المزن همال ______ وحصن حصين من بغاه إلتجاله
يذكرك من حده زمانه على الجال ______ ضاقت به الدنيا وجذت حبـــاله
ويذكرك حر له طموحات وآمال ______ شاف الليال السود فوق احتماله
والحمل ماله غير راعيه حمال ______ فيحان زيزوم الحمول إرتكاله
وافي ولا قصرت يا طيب الفال ______ ياراعي الطاله وراع الشكاله






















الشيخ فيحان يستعد للمغادره




الشيخ فيحان يغادر موقع الحفل



في النهاية نتقدم من خلال هذا المنبر بالشكر لمولاي خادم الحرمين الشريفين الملك عبدالله بن عبدالعزيز آل سعود وصاحب السمو الملكي الأمير سلطان بن عبدالعزيز آل سعود ولي العهد ونائب رئيس مجلس الوزراء ووزير الدفاع وصاحب السمو الملكي الأمير محمد بن فهد بن عبدالعزيز آل سعود امير المنطقة الشرقية وصاحب السمو الملكي الأمير عبدالعزيز بن فهد بن عبدالعزيز آل سعود وزير الدولة عضو مجلس الوزراء ورئيس ديوان رئاسة مجلس الوزراء و صاحب السمو الملكي الأمير فيصل بن بندر بن عبدالعزيز آل سعود أمير منطقة القصيم كما لا يفوتنا أن نشكر الشيخ فيحان بن تركي بن ربيعان وجميع مشايخ القبائل التي شاركت بالجاهية ووجهاء القبيلة وابناءها وللجميع الذين حضروا حباً لفعل الخير حيث ان الصلح أمر حث عليه الإسلام وهو أقرب الأعمال إلى الله وليس هناك أجمل من هذه اللحظة التي يتم فيها عتق رقبة فشكرا لأهل الدم وهذا أقرب الأعمال إلى ربهم، ونسأل الله لهم المثوبة والأجر.