اسف حصل خطا
قصيدة الشاعر فيصل بن خلف العتيبي
تقول تكفى يا فيصل لا تجافيني
حمل المحبه ثقيل وبعدك اشقاني
خللك بجنبي قريب ولا تخليني
يا عز واغلا من اغلا الناس واخوني
شف لوعة البعد والحرمان في عيني
شف دمعة الشوق جنبك كيف تقواني
شف كيف صارت حياتي واختلف لوني
كلي هموم وعنا وجروح واحزاني
وقامت تحرص على الحب وتوصيني
في ليلة كل ابوها حزن واشجاني
تبكي علي ويديها تحضن ايديني
وتردد بكل حزن اخاف تنساني
اخاف تنسى عهود بينك وبيني
وتنسى غرام لفوق النجم وداني
قلت اااااه في العذاب اللي مكفيني
لا تخدعك ضحكتي في بعض الاحياني
اضحك واجامل ونار الشوق تكويني
كن الليالي على وصلك تحداني
يا نبض قلبي ياحبي يااجمل اسنيني
رميت كل القيود وجيت لك عاني
جيتك اسابق صدى صوت يناديني
يا حي صوت من اقصى الشرق ناداني
والله ماخليك لين الموت يطويني
ويصير خلك وحيد بوسط الاكفاني
آخر تعديل احمد عبدالله يوم 31-Mar-2009 في 02:43 PM.