ناصر الجلاه
ولا ياعلي سولف وكل العرب يدرون=يجيك الخبر بالصيف من لاهب الكنه
مافيها جدال الميم حرفٍ بعده النون=يدور الدهر والشيعه تحارب السنه
النشمي
لاتضحك من الاثرم وتصبح بدون اسنون=اقول ادعله لو حيته يجاذب الونه!!
انا راجي اللي عز موسى على فرعون=عسى اهل الكفر فالنار ماتدخل الجنهّّّّ!!
ناصر الجلاه
أنا ياعلي صاحي ولاعاين المجنون=يافنان واصل فن فنٍ على فنه
على الطايره ركاب من خوفهم يبكون=وعلى الأرض ناسٍ تقرع أقراعت الشنه
النشمي
على مذهب اهل الدين والشرع والقانون= ومن شذ عنا نحمسه حمسة البنه!!
راع الزور والتحريف من فعلته مديون= وراع الوفا مافيه شكن ولاضنه!!
ناصر الجلاه
تعلى بصوت الحق لاتخفي المكنون=مادام أنت ساس الحق دن الجرس دنه
نبى نعرف الداين نبى نعرف المديون=تقود الجمل من خلفه جمال مستنه
النشمي
صدور الرجال اقبور لأسرارهم وحصون= ومن خاف من سوء المقادير صابنه!!
صدوق المخايل من مطرها البدو يرجون= عسى الوادي المدهر من السيل يسقنه!!