حاكم الغنامي
اهذيل لاسمعولهم ياسامعيني صوت زيـر=عليه قامو يكثرون الرقص ..ياكاف البـلا
وحنا ليا منا سمعنا الزير ثم صاح النذيـر=جينا على قب المهار القحص ..ياكاف البلا
فواز السعيدي
الرقص عنـد عتيبـه الهيـلا هـل الرقـص الخطيـر=اطمع بزود ولا تجي للنقص .. ياكـاف البـلاااااااااا !!
انـتـم رياجـيـلٍ نشـامـا ماتخيـلـون الصفـيـر=اصبر على وقتك وذوق القَرص .. ياكاف البلااااااااااا !!
حاكم الغنامي
عتيبه الهيلا هل الميقاف والسيف الشطييـر=اللي يقص عظام ظهرك قص ....ياكاف البلا
فواز يافواز وش سر العلاقـه مـع مطيـر=فحصتهم ولا خذولك فحص ..ياكـاف البـلا
فواز السعيدي
ادري بكم خلق ولكـم شهيـق قـدّام الزّفيـر=ولكم علوم عراض ماتنحص .. ياكاف البلاا !!
اثرك ياحاكم علـى بريـد خلـق الله خفيـر=حنا خناذف ماغصينك مغص .. ياكاف البلا !!
حاكم الغنامي
ان كان تبغى الجد يافواز معدوم الضمير=مالك بهل نجد العذيه خص ..ياكاف البلا
موقعك من عزوة خناذف لاكبير ولاصغير=متوسطٍ من بين ربع ونص ..ياكاف البلا
فواز السعيدي
يالحارس اللـي ماتضـد القـوم وتـرد المغيـر=خايف ليا شوشر نشصّه شص .. ياكاف البلااا !!
انته يجيك الغزو وانته كنّـك الشيـخ الضريـر=تبطي من الهذلان ماتقتص .. ياكـاف البـلااا !!
حاكم الغنامي
يامزيف التاريخ منته مع هل الماقف خشير=انت الذي لامن هرج قلنا اص ..ياكاف البلا
كيف اتقاضا من هذيل اللي تجير المستجير=ولاقد غدالي من وراهم فص ..ياكاف البلا