سلطان الجـذع
سلام تسليم الوفاء من هاجسٍ هبت هبوبه = وانا على بالي علومٍ مالها غير العطاوي
عزالله أني كنت مستكثر على المجنون ثوبه = اللي هل الديرة كرمهم لبسه بشتٍ حساوي
عبدالمجيد العطاوي
يامرحبا حيّ الله اللّي يبرق البرّاق صوبه=يحزم حزامه كلّ ليله للعلوم وللدعاوي
امّ الكباير للكباير صدق ماهيب مغصوبة=والبشت ما يزها متون الا بعيدين الهقاوي
سلطان الجـذع
أحيان تصبح كرمة الكرمان ماهي بمحسوبه = الطيب شئ من ذراع الرجل مايعطى هداوي
أخوك شيخ السوق عنده علم عن سعر الجلوبه = اللي تساوي قرش مدري يالعطاوي ماتساوي
عبدالمجيد العطاوي
بعض العرب لو ينفعل به طيب ستين آلف نوبة=يجحد فعول الطيب فيه ولا لنا معهم جداوي
مجلوبة الأسواق ماهي عن اهل السوق محجوبة=والشيخ لو يبتاع ماهو راعي الباع الرهاوي
سلطان الجـذع
مطية الشيطان كل ديوسها العام محلوبه = وانت اخر اليتمان بين الياس وحدود الرجاوي
كنك مكاذيب الرصاص يفشل اللي حاربوا به = ولايجسد وصف شخصك غير بيتٍ للخلاوي
عبدالمجيد العطاوي
مطيّة الشيطان جعل الله يثوّبها المثوبة=مالله خلف مرباعها عشانكم في نبت الصداوي
امّا انت مقطوع الرجا يوم القنانيص اقنصوا به=ما حصّلوا وراه ربعه لا طبيخ ولا مشاوي
سلطان الجـذع
مانت بلحالك واجد اللي مايوفي في وجوبه = الله يبشرك بقدوم الوسم يالواد السناوي
الموتر اللي مايمر الفحص ماترفى عيوبه = ماهو مقربك البعيد ولاموصلك الحراوي