العازمي
هجوس الشعر تجبرني على الوقفات والابداع = ثنينا فالمواقف دون مظهور المقفيني
يقولون العصيمي فالقدايم عزوته ,,فزاع= وانا اقول الليال التاليه قد ضاعله ديني!!
ناصر الجلاه
هجوس الشعر لأصحاب العقول النابغه ينصاع=وقفنا فالشدايد ماوقفنا حزة الليني
مادامنك ياعيد العازمي تسمع من المذياع=انا ما أسمع هروجٍ مالها مذهب ولا ديني
العازمي
حكيم ولاتطبّق منهجك ياعارف الاسناع = يجوز انك عكست الحكمه اللي قلت ذالحيني!!
بعد حطّوك ريّس في بلادٍ مالها طمّاع = عسى ماغرّك المنصب مثل شهب السراحيني!!
ناصر الجلاه
وألا ياباذلين الجهد في وقتٍ ضمانه ضاع=خسارة جهد بالله وش جنيتوا يالمساكيني
ياليت العازمي يعرف مقامه والسباع سباع=تحل وترحل العربان وامثالك مقيميني
العازمي
شملكم فالليال التاليه تحسين فالاوضاع = دواليب الدهر دارت وصرتوله مواميني!!
على بحر العرب من شاف موجه فالدجى يرتاع = بوابير القنوص بغبّته دايم مرسّيني!!
ناصر الجلاه
مكاسبنا بأمانينا ياعيد ومكسبك .. بأيداع=حسد مدري قهر مار الحقيقه ماتدانيني
بلاد الرافدين اللي منول ذكرها ينشاع=تلبسها الدمار ومن سببها تبكي العيني
العازمي
انا في عالي المرقب واعاين في نزول القاع = ومن ينزل بوسط القاع لايمكن يخاويني!!
ليامنك حضرت الهوشه اللي مالها فرّاع = تبا تفزع معي والا من الضيقه تخليني!!
ناصر الجلاه
وأنا ماوط رجلي يابن عاصي فوق شوك نقاع=احكم كلمتي وأوزن خطاي ولاتقديني
مادمني شجيع وشفت إبن عاصي شكى الانخاع=ابفزع له ولو إنه رخامه .. مايناديني هه