السلام عليكم ورحمة الله وبركاته
اليكم هذه القصيده لعلها تنال اعجابكم
انا يوم اسج الرجل من سجة الهاجوس= ليا سجني سجيت رجلي على الخالي
ليا سجني لو كنت في مجلس(ن) مانوس = تركته ورحت اجلس يا ابو تركي لحالي
تقول ان خفاقي يشطب بحد الموس=وتقول انه يصلى على الحامي الصالي
ألا يا عذابي منك يالواقع الملموس = تسببت في همي وغمي وغربالي
ليا قلت زانت واستوت جالها عاكوس = وجيت متحدر عقب ما اشرفت فالعالي
زماني يلقني من اقسى الدروس دروس = دروس(ن) تبى تبطي لك الله على بالي
والا يا زمن كم شيبت من دروسك روس = وكم من عيون(ن) دمعها يا زمن سالي
زمان(ن) وقف ضد اهل الطيب والناموس = وعطى اللاش وجه ونزله خير منزالي
لكن الرجاء فاللي لوجهه تخضع نفوس = يبدل لنا الاحوال من حال لحالي