سحيم العصيمي
كل ماجيت اتمشى في ربـوع الديـرة=شفت لي زولً يشابه حاكـم الغنامـي
ودنا ننشده عـن حلـمً لقـى تفسيـرة=هو صحيح انه يجيه امن العرب عزامي
حاكم الغنامي
يمكن الله ناويٍ يرحم سحيم وغيره=يوم كثّر خلقتي بين اليمن والشامي
كل رجلٍ تشبعه ياسحيم هدت طيره=لايعاين في صحون الرمل والايتامي
سحيم العصيمي
الجنوبي مايبا عرضته غيـر ابزيـره=والمجنن وش تبا في خنصري وابهامي
يالله اني طالبك في علم خير وخيـره=انتثر وبل المطر واخلف مصب العامي
حاكم الغنامي
بالذهب ناخذ ونعطي مانعرف الليره=ولانسوم السلعه اللي مالها سوامي
كب قومٍ ماتولـع للمعـارك نيـره=ماتنقص طلقتٍ من محزمك وحزامي
سحيم العصيمي
اكثر العالـم سوالفهـا كمـا التخديـرة=والسماء لو طاح ماهبت بك الانسامـي
السروق ان جاورت تنسى حقوق الجيره=وان عصت قطع يديها وانت ماتنلامـي
حاكم الغنامي
اكثر العالم مايمشي لين ندهن سيره=حكمة الله فالعباد ودبـرة الايامـي
من كلامي يالعصيمي لاتجيك الحيره=النهايه فوق غزه يرجع القسامـي
سحيم العصيمي
التجارة برجها تسعـى علـى تدميـره=وانت ماحولك من العتبان غير زلامـي
والله ان البدو كلاً جاء يسـوق ابعيـره=والحضر قامت بزرع الشوك والالغامي
حاكم الغنامي
والله اني يالعصيمي ساعي بتعميره=والذخيره ماتعود في جنوب الرامي
ابشر انّ عندي سلاحٍ باديٍ تطويره=صانعه لهل المعارك فالنهار الحامي