معجب العتيبي
ياعيد يالعازمي وش غيّر طبوعك=
ماني بخابرك ماتمشي على طوعك=
للناس ياعيد لا لاترخي سموعك=
والنار ماتحرق الا رجل واطيها=
قوم ياعيد والا لاتقوم=السوالف بطل مفعولها
عام الاول تفكر بالهجوم=وامس نيتك منت بحولها
العازمي
ياشاعر القايله منت ابعلى صحوك=
وراك جرّيت بيتٍ مصدره لحيك=
بالعرف والعقل يارجال نسمحلك =
والنار ماتحرق الا رجل واطيهـا=
قايم الحظ يامعجب عزوم = كل هرجه تجي بوصولها
حسب سير السواير والسلوم = نية الخير انا مرسولها
معجب العتيبي
الحق مايزعل الا واحدٍ مخطي=
كلمه ومشهوره ومقيولةٍ مبطي=
وشلون تاخذ من العالم ولاتعطي=
والنار ماتحرق الا رجل واطيها=
ما .ندور سواليف وعلوم=كلمة الحق عجل قولها
من رقد زاد ياعيد الحلوم=واضحه مانبا مدلولها
العازمي
ياناقل الخرج خرجك داخله حيه=
تشيلها فالخفا وانته على نيه=
مايبلش العيه الا واحدٍ عيه=
والنار ماتحرق الا رجل واطيها =
عقب شمّرت عن كل الكموم = جتك غر المزون سيولها
كل حرٍ على العليا يحوم = عرضها مايساوي طولها
معجب العتيبي
ياعيد لاتحسبن الاخره دنيا=
وتروح للقاصيه وتخلي الدنيا=
الاوله طيبه والثانيه دنيا=
والنار ماتحرق الا رجل واطيها=
عيد سوّا من اصحابه خصوم=والمسائل بلش بحلولها
ديرةٍ عج والاخرى غيوم =والعرب فرّقت بعقولها
العازمي
الاوله ماتعدا ناشط البالي=
يامنادي الحي يمكن تسمع البالي=
هرج الزلل مايجي من سارح البالي =
والنار ماتحرق الا رجل واطيها=
في علوم الفضا,,حرب النجوم = والحقيقه تدق طبولها
صافي العقل مالحقه هموم = كل ديره يعرف نزولها
معجب العتيبي
ترا النصايح تجمل وجه راعيها=
حقيقه. وعيد ماضنه يخليها=
لكن على حق غيرك لاتمشيها=
والنار ماتحرق الا وجه راعيها=
ريّح البال ياعيد (ا)مخدوم=قدها لو تزيد حمولها
لاتخليه فالغبه يعوم=علمه بازعيم زحولها
العازمي
ابسط فراش الحقوق وكلٍّ وحقه=
ثم طق عود الجمر ياصاحبي طقه=
لعل عينك تشوف الحق وتحقه=
والنار ماتحرق الا وجه راعيها =
من حلفلك بعد بكره يصوم = هالسنه ماتعدى حولها
استوتلي وانا احشم القروم= من عربنا وزوله زولها
معجب العتيبي
قالوا له اهرج وزود العلم بحلوفك=
يزول من عقب حلفك ياولد خوفك=
والظاهر انك تطبقها على حروفك=
والنار ماتحرق الا رجل طاريها=
لاتضيق الصدور من الهدوم=العرب بعضها ياهولها
صاحبي ماهرجنا بالعموم=والسوالف وضح مجهولها