خيال الأصيله
في منتدى قوم الفخروالعز والقدر الرفيع = سلام تسليمة فخر لأهل الفخر والمرجلة
الزبد لا جاء تحت حر الشمس لا بده يميع = والرجل من بين الرجال يعرف وش هو منزله
حاكم الغنامي
في منتداً للمرجله والمعرفه حصنٍ منيع =يامرحبا في مرحبا ترحيبة اهل الاوله
سلم على اللي في طريقه مايهس ولايضيع =وباق العرب ياصاحبي كلٍ يجازى بعمله
خيال الأصيله
الك البقا يا صاحبي ياراعي العرف الوسيع = مافيه نايب عندك للبعض الأمور تخوله
ماني بناسي ماتقوله لا كن الطفل الرضيع = والشايب الأقشر بعد مريت شفته مهمله
حاكم الغنامي
حنا نباك مع الرجال الطيبه تشر وتبيع =مالك ومال الخزنه اللي من سنين مقفله
الله واكبر ياذيابٍ كلها تغزي جميع =مافيه فارق بينها كلٍ من الطالات اله
خيال الأصيله
اليا نزلنا سوقها ياحاكم الـــعــاصي يطــيع = ابديت الك وجهت نظر يوم المزون مخيله
تقولها واللي سبرك يقول مــــريته وقـــيع = قد صابه الـرامـــي بطلقاتٍ ماهي بقليله
حاكم الغنامي
ماقلت فيك قصور مير اسمع كلامي يالمذيع=علمٍ صغّير تسمعه ماهو بصح تهوله
دوك الكلام اللي حروفه ترهب القلب الشجيع =علمك هذا لوماتعدل فيه جيت اعدله
الله الله
شعار مبدعين
صحة السنتكم