اخوي فهد مشكور واسمحلي على تنسيق القصيده..
يقول من يعبـر بزينـات الأمثـال=وزاهي القوافـي جايبينـه جزيلـه
من جاش أديب ينظم الشعر بال=حـالآخذ جزيل القـاف وارمـي هزيلـه
الفكر يحضر والحبـر فوقـهٍ سـال=والقاف مـوزون علـى مـا يبيلـه
مثايـل مـا والفـوهـن الأنــذال=ولا نقلوهـا مدركـيـن الفشيـلـه
شاقي لنظم الشعر ماضين الأفعـال=يـوم الزيـارة للديـار الجميـلـه
يوم الخميس اثنين وعشرين شـوال=جينا الرجال اللـي علومهـم نبيلـه
ألـد روق اللـي عريبيـن وثقـال=قبيلـة يــا حــي والله قبيـلـه
ألد روق اللي لهـم صيـت وأفعـال=اهل السيوف المرهفـات الصقيلـه
أهل البيوت الراسيـة كنهـا جبـال=عـز للرفيـق ومكرميـن نزيـلـه
ذباحت الحايـل كريميـن الأسبـال=متوارثيـن الطيـب نعـم القبيـلـه
شرهاتهم ماهي على جمعت المـال=فوق الصحـون يقلطـون الجليلـه
كبار الصياني والسمن فوقهـا سـال=اللابـه اللـي يذبحـون المحيـلـه
وبيوتهم للضيـف مزبـن ومدهـال=وديارهـم كـم واحــد يلتجيـلـه
تاريخهم واضح على راس ماطـال=تاريخهـم بيَـن وكــل حكيـلـه
يوم علا طـلال مـا يبهـج الحـال=ثار الدخان من حر صلـو الفتيلـه
زادوا على الهقوات يوم ادبر الفـال=يـوم الحرايـب والعـدو ترتكيلـه
ميزانهم يرجح علـى عايـل عـال=وحريبهـم يـوم اللـقـا عزتيـلـه
قبيلة مـا طاوعـوا شـور عـذال=قوم على الحـراب تشفـي غليلـه
رجالهـم ينطـح ثلاثيـن رجــال=وخيالهـم ينطـح جمـوع وخيلـه
للزيـن زينيـن وللضـد جـهـال=عوق الخصيم ليا بـدا منـه عيلـه
قوم يعرفه عاقـل النـاس والضـال=سقـم الحريـب ومقحميـن الدبيلـه
يشدون سيل يضرب الجـال للجـال=واللي بوجـه السيـل لازم يشيلـه
ودخيلهم يلقـا المعـزة مهـوب ذال=وعز الله انـه داخـل بـه دخيلـه
وصديقهم لامن نشدته عـن الحـال=يقيـن مايعتـاض فيـهـم بديـلـه
وصديقهم عنـه المحاميـل تنشـال=تنشـال لـو ان المحامـل ثقيـلـه
وعدوهـم يسقـونـه مــر وإذلال=باليـل يسهـر مـا تهنـا بليـلـه
وعدوهـم يـذوق تسعيـن غربـال=خلـوا علـى كبـده حـر ومليلـه
وعدوهم لوهو من الجيـش جمـال=بالمعركـة خلـوه يطـرق شليلـه
يردون حوض الموت جسرين الأقبال=فـرسـان لا ركـبـوا الأصيـلـه
صولاتهـم غدابهـا كـم رجــال=ويا ويـل رجـال تعـرض سبيلـه
وكم من عقيد وسدو راسـه الجـال=وشيـوخ راحـوا بالمعـارك قتيلـه
ولو اباعد افعولهـم مـا لهـا تـال=يصعب علي اعدادها مـن حصيلـه
يستاهلون المدح عريبيـن الأنسـال=نسل الرجال اللـي علـو بالطويلـه
شين لشوفـه زاد مدحـي بالأقـوال=والقول عقـب الفعـل أكبـر دليلـه
وجعل الخيال اللي نشا فوقه أخيـال=والغيث يمطر من حقـوق المخيلـه
على نفـي مـع القـراره الأجبـال=وتسيل كـل اشعابهـا مـن مسيلـه
حيث انها دار البطولـة والأبطـال=ديار الكرم والطيـب للـي يجيلـه
دار لهم حامينهـا مـاض الأجيـال=من دونها ترخـص عمـار طويلـه
يقولها اللـي مـا تغيـر و الآمـال=قـول الحقيقـة والصراحـة يبيلـه
وصلات ربي عد مـا وادي سـال=وعـدَ بـراق بـرق فـي مخيلـه
على اللذي سن الفرايض والأعمـال=نبينـا المخـتـار راع الفضيـلـه