هذه القصيدة أرسلها الشاعر بادي إلى اخيه جزاء بن محمد الهويملي عندما كان بدورة بالخدمات الطبية العسكرية بمنطقة الجنوب
ياجزا جعل الذي حاصل لنا بالامرخيره=انت بحدود اليمن واخوك بالحد العراقي
افترقنا حالت الدنيا رحات مستديره=ماتلم الشمل تسعى ياجزا لجل الفراقي
نحمدالله مافترقنا من خزا وإلامعيره=وان تجمعنا موده ماتجمعنا نفاقي
ودينا دين الرسول ولا رضينا دين غيره=وماسكين اسلومنا والدلو يمسك بالعراقي
مشينا بوضح النقا ولا نتوانا بالمسيره=ولانزلنا بالوطا و إلامشينا بالمتاقي
نبذل جهود الطلب ل الرزق والدنيا قصيره=بس طال الوقت لاكن موعد الحي التلاقي
واهني اللي مريح من هواجيسه ضميره=ريق وراقي بعيشه من طلع في عيش راقي
وإلا انا قلبي يثير الهم وهمومه تثيره=هومحير الهم وصدوف الزمن مثل السواقي
تجتمع بالقلب لاكن مانبيح ابها السريره=لويطول الصمت قلنا مابقى للهم باقي
بس دق القلب من بين الحنيا العوج زيره=من همومه بين ضيق بحال وبحال اشتياقي
للحبيب ولرفيق وللمنازل والعشيره=من بعدهم شلت هم بالضماير مايطاقي
غربت الأوطان كسر وشوفة الربع الجبيره=تختخ واسع خلاه بدونهم ضيق نطاقي
وان طرى للقلب خل شب بالخاطر سعيره=القدم مشيتها له ماتعب بالدرب ساقي
خشف ريم من ظلاله تاشعه بالخوف ذيره= قايدت قطع الجوازي لاتقاد ولاتساقي
العسل شوف الذي له داخل الخفاق ديره=والفراق الحنظله مرة مذاق ولاتذاقي
والختام ازكى سلام من شذا العنبر عبيره=تاصل حدوداليمن من نيه الحد العراقي
قصيدة للشاعر بادي بن محمد بن خليف الحربي