الاصعر
نادوا الزراقي الليله نبا ناخذ علومه= العلوم الطيبه ماتوجد الا عند اهلها
مار محيا ورثة الشايب ولادري ويش قومه=والمثل يقول ماشال الحمول الاجملها
محمد بن رشيد
يامنادي لاتنادي والبحر قدمك وعومه = وان طرى في خاطرك كلمه بعد ماجيت قلها
ماغدالي شي والرجال مايترك لزومه = والجمل لو تكبر الحمله على ظهره نقلها
الاصعر
انت معك الصاحب اللي كل ماجات الخصومه=ينقض الحجه لو ان الخصم بالقوة فتلها
الولد في ماقفه لازم ينفذ عن كمومه=والمهلهل مات جساس وحروبه ماعتزلها
محمد بن رشيد
انت ابن عمي رفيقي واتشرف في قدومه =من رجال ٍ تحتمي الميقاف والحروه تصلها
كل رجال ٍ يسد ابلازمه محد ٍ يلومه= والسنين امداوله والناس ماتامن دولها
الاصعر
مالحقنا شك في الماقف ربع وابناء عمومه=والشجيع ليا بغا العلياء يا ابومالك وصلها
القمر يحجب سناء نوره عن العالم غيومه=وان بدى نوره على الديرة ترى الظلما قتلها
محمد بن رشيد
بارك الله فالشجيع اللي قويّات ٍ عزومه = ماتردّى وان لقاء عوجاء على دربه عدلها
القمر يبقا قمر لو السماء كثرت نجومه = والكبود السود دايم سود لو طابت عللها
الاصعر
من بناها فوق ساس العز ماهي بمهدومه=والفعول الطيبه ماخاب رجالً فعلها
بعد مامات الرياحي مؤسفه حالة بقومه=يوم اقوله ماحسبت رضى البقوم ولازعلها
محمد بن رشيد
القصور العامره ماهي من الخير امحرومه = والبيوت الثانيه راع المروّه مادخلها
انت يالاصعر تحسب الدار ماهي بمحكومه = اثر عينك عين حر اشقر وقلبك قلب بلها
الله الله
صحة السنتكم
ومبدعين يا هل المع