سلامي على اللي مابعد دوجت بالسوق= ولاطلعت قدم الأوادم محاسنها
عفيفه نظيفه عرضها بالنقاء ماثوق =حسينه ورب العرش بالعقل تاكنها
ولاغرها الشيطان تعشق لها مخلوق =هواها عبادة ربها اللي محصنها
نشت بالحياء والستر ماشافها المطفوق = ولاناظرت باللي بعينه يعاينها
ولاحطت المكياج تبغا جمال وذوق = جمال الطبيعه محتضنته وحاضنها
نظرها على ماقالوا أهل الشهامه فوق = على سنة المختار تمشي ضعاينها
ماهي بالذي لأهل الهوى والغرام توق =لاشافت الجهال تظهر مفاتنها
هبيله ضعيفة عقل وقليبها مفتوق = تبأ تفـتن المفتون وابليس فاتنها
مطلق الحويقل
آخر تعديل مطلق الحويقل يوم 08-Mar-2009 في 10:17 PM.