[علي الثبيتي]

الكبتن=
سلام ردَّة وفاء ..والعـذر للطيِّبيـن=على الغياب المطوّل.. نطلب المعذره!!
يالنشمي القوم صفَّوا من يسار ويمين=أنته مع الميمنه والاّ مع الميسـره!!
النشمي=
يامرحبا والعذر يقبل من الغانميـن=وراع الوفاء نلتمسله عذر ونقدره!!
الحق ياحضرة الكبتن مايرضي ثنين=وانا تراني مع المضلوم لين انصره!!
الكبتن=
مانـي مديّـن عبـاد الله ولا مستديـن=من فضل ربي وجوده ..وأحمده وأشكره!!
هوى على روسكم نجم وغديتوا طحيـن=لا بالله الاّ جنايـز مالـهـا مقـبـره!!
النشمي=
لاوالله الامديّـن مـار ربــك يعـيـن=كسرت ساق الجمل وازريت لا تجبره!!
سبة فعايلك ياعبـاس راحـت جنيـن=والسر فاللقمه اللي سـدة الحنجـره!!
الكبتن=
انا معي سيفي اللّي يـردع المعتديـن=والا أنت لا معك لاسيفٍ ولا خنجره!!
لو جيت معنا نبى نعطيك سمن وسمين=مير أنت روّحت تتبع جرة الشنفره!!
النشمي=
حزمتك بسيف اباك اتحارب الطامعين=واقول كبتن عتابه فالقـا عنتـره!!
وسلمتهم سيفك ومحزمك والمارتين=واتنوخ ابعير ربعك للعـدا تنحـره!!

التوقيع

ماني بلا روقي ولا برقاوي = انا ثبيتي جد روق وبرقا