حاكم الغنامي
يامرحبا بالعصيمي عد وبل الغمام=في حلةٍ للكـرم ماينقفـل بابهـا
مدام بينك وبين القوم طال الكلام=لابد غبر الليالي تحسب احسابها
سحيم العصيمي
دام البقاء يامرحب قبل رد السلام=والله يخارج من النكبات واسبابها
كانك تقول الحقيقه مايجيك الملام=يعّرف مقام اليمين اللي تعشابهـا
حاكم الغنامي
من لاحما مآقفه بمثـورات العسـام=لاعاد يشره على الدلـه وشرابهـا
ياخوف قلبي تطوف ولالبست الحرام=ثم تزعل ام القرى مكه ومحرابهـا